Táýelsizdik jyldary 960 myń adam Qazaqstan azamattyǵyn aldy

ASTANA. QazAqparat - Táýelsizdik jyldary ishinde 960 myń adam Qazaqstan azamattyǵyn aldy. Bul týraly búgin QR Prezıdenti janyndaǵy Azmattyq máseleler jónindegi komıssııanyń otyrysynda elimizdiń Memlekettik hatshysy Gúlshara Ábdiqalyqova málim etti.

«Búgingi otyrysta ádettegideı, azamattyq alý, azamattyqtan shyǵý máseleleri qozǵalady. Sodan keıin Elbasynyń tapsyrmasy boıynsha qazir oralmandarǵa baılanysty kóshi-qon saıasatyna ózgerister engizildi. Búgin osy máseleler qaralady», - dedi otyrysty ashqan G.Ábdiqalyqova.

Memlekettik hatshy Táýelsizdik jyldary ishinde 960 myń adam kelip, elimizdiń azamattyǵyn alǵanyn atap ótti.

«Tuńǵysh Prezıdent kúni qarsańynda bizge taǵy da 734 ótinish kelip tústi. Bul bizderdiń komıssııanyń buǵan deıingi otyrysynda qarastyrǵan ótinimderden kóp. Sodyqtan da jańa azamattarǵa «qosh keldińizder» deımiz», - dedi ol.

Sonymen qatar onyń atap ótýinshe, komıssııa qaraýyna Qazaqstan azamattyǵynan shyǵýǵa da ótinishter kelip túskenin aıtty. Memlekettik hatshynyń sózine qaraǵanda, olardyń sany azamattyq alýǵa nıet bildirgenderden birneshe ese tómen.