Táýelsizdik jyldary 880 myńnan astam adam Qazaqstan azamattyǵyn aldy - M. Tájın

ASTANA 21 aqpan. QazAqparat - Búgin Aqordada QR Memlekettik hatshysy Marat Tájınniń tóraǵalyǵymen QR Prezıdenti janyndaǵy azamattyq máseleler jónindegi komıssııanyń kezekti májilisi ótti.

Komıssııa otyrysynda Qazaqstan azamattyǵyn alǵysy keletinder men odan shyǵýǵa ótinish bergenderdiń materıaldary, sondaı-aq kóshi-qon saıasatynyń keıbir máseleleri qaraldy.

«Táýelsizdik alǵan ýaqyttan bastap Qazaqstannyń azamattyǵyna 880 myńnan astam adam qabyldandy. Qazaqstannyń azamattyǵyn alamyz dep ótinish bergen ár elden kelgen adam sanynyń turaqty túrde ósýi bul bizdiń elimizdiń áleýmettik-ekonomıkalyq jáne qoǵamdyq saıası jetistikteriniń halyqaralyq arenada tanylýynyń dáleli»,-dedi jıyndy ashqan Memlekettik hatshy.

Alqaly jıyn qorytyndysy boıynsha tıisti sheshimder men usynystar qabyldandy.