«Táýelsizdik jáne Elbasy: jasampazdyqtyń jańa tarıhy» atty konferentsııa ótedi

NUR-SULTAN. QazAqparat - 22 qyrkúıek kúni, saǵat 11.00-de Elbasy kitaphanasynda memleket táýelsizdiginiń 30 jyldyǵyna men Qazaqstan Respýblıkasy ulttyq arhıviniń 15 jyldyǵyna arnalǵan «Táýelsizdik jáne Elbasy: jasampazdyqtyń jańa tarıhy» halyqaralyq ǵylymı-praktıkalyq konferentsııasy ótedi.

Іs-sharany Qazaqstan Respýblıkasynyń Tuńǵysh Prezıdenti – Elbasy kitaphanasy men QR Ulttyq arhıvi uıymdastyrmaq.

Konferentsııaǵa Elbasy kitaphanasynyń dırektory B.B. Temirbolat , QR Mádenıet jáne sport vıtse-mınıstri Ǵ.R. Ábdirahymov , Túrkııa Respýblıkasy Prezıdenti janyndaǵy Memlekettik arhıvtiń dırektory Ýgýr ıÝnal , BAÁ Ulttyq arhıviniń bas dırektory Abdýlla Al-Raısı , Qyrǵyz Respýblıkasy Ortalyq memlekettik arhıviniń dırektory J.D. Bechekov , Halyqaralyq Túrki akademııasynyń prezıdenti, «Egemen Qazaqstan» respýblıkalyq gazeti»AQ basqarma tóraǵasy D.Q. Qydyráli , L.N. Gýmılev atyndaǵy EUÝ rektory E.B. Sydyqov , Qazaqstannyń jańa tarıhyn zertteıtin ǵalymdar men sarapshylar qatysady.

Konferentsııa barysynda Qazaqstan Respýblıkasynyń Tuńǵysh Prezıdenti – Elbasy keńsesiniń basshysy M.B. Qasymbekovtyń quttyqtaý sózi oqylmaq.

BAQ ókilderi akkredıtatsııadan ótýi tıis.

Oǵan qajetti málimetti 21.09.21 kúngi saǵ. 16.00-ge deıin [e-mail] elektrondyq poshtasyna jibergen jón.

Baılanys nómirleri: + 7 [phone], 69-30-57.