«Táýelsizdik urpaqtary» grantynyń ıegeri demografııalyq baǵyttaǵy aqparattyq júıe jasamaqshy
«1S-Reıtıng» JShS baǵdarlamashysy, D.Serikbaev atyndaǵy Shyǵys Qazaqstan tehnıkalyq ýnıversıtetiniń magıstranty Anton Ivlev «Táýelsizdik urpaqtary» grantyn tabystaý sátinde osylaı dedi.
«Eki jyl buryn maǵan bir bedeldi demograf jyl saıyn myńdaǵan IT maman oqý bitirip jatqanymen, olardyń sanaýlysy ǵana demografııaǵa bet buratynyn aıtqan edi. Magıstratýranyń birinshi kýrsynda oqyp júrgende demografııalyq derekterdi taldaýmen aınalysa bastadym. Óıtkeni men salanyń keleshegi bar ekenin kórdim. Bul ǵylym salasynda da, aqparattyq tehnologııalar salasynda da, ásirese, búgingi demografııalyq ósýim kezeńinde sheksiz tájirıbe bolatyny anyq edi. Men zertteýshilerdiń bári paıdalana alatyn, aýqymdy derekterdi ońaı baǵdarlap, aldaǵy jyldardyń demografııalyq boljamyn jasaýǵa múmkindik beretin yńǵaıly aqparattyq júıeni qurǵym keledi», - deıdi maman.
Anton Ivlevtiń aıtýynsha, aqparattyq júıe ǵalymdarǵa keleshkti boljap qana qoımaı, burynǵy derekter boıynsha taldaý jasaýǵa da jol ashady. Ǵalymdarǵa ońaı qoldanýǵa bolatyn taqyryptyq jeliler bolady.
«Sonymen qatar, júıeniń arqasynda biz ótkenge kóz júgirtip, burnaǵy jyldardaǵy demografııalyq derekterdiń olqy tustaryn tolyqtyra alamyz. Munyń bári qazir oı ǵana. Tek alǵashqy qadamdy bastadyq deýge bolady. Qasym-Jomart Kemeluly, Sizge osy iste múmkindik berip, qoldaý kórsetkenińiz úshin alǵys aıtamyn. Bul biz sııaqty jas ǵalymdar úshin ǵylymmen aınalysýǵa jáne damýdyń jańa joldaryn izdeýge úlken yntalandyrý bolaǵyna senimdimin», – dedi jas ǵalym.
