Táýelsizdik týraly 20 derek: 2003 jyl. Beıbitshilik úshin dıalog
TANA. 9 qarasha. QazAqparat - «23 qyrkúıekte Astanada Nursultan Ábishuly Nazarbaevtyń bastamasymen shaqyrylǵan álemdik jáne dástúrli dinder kóshbasshylarynyń alǵashqy sezi ótti. Forýmǵa álemde balama joq. Tarıhta alǵash ret álemdik jáne dástúrli dinder basshylary jınaldy. Alǵashqy dinaralyq forýmnyń jumysyna ıslam, hrıstıan, ıýdaızm, sıntoızm, ındýızm, býddızmniń bedeldi ókilderi qatysty.
Hrıstıannyń barlyq tarmaqtary, pravoslavıe, katolıtsızm, protestant, ıslam oılarynyń basty ortalyqtaryn qosa alǵanda, sýnnızm jáne shıızm, ıýdaızm jáne basqa da azııalyq dinderdiń ókilderi tanystyryldy. Sezd órkenıetaralyq jáne mádenıetaralyq dıalogtyń ǵalamdyq úderisine úlken úles qosty. Forým órkenıetter daǵdarysyn jáne mádenı jáne dinı aıyrmashylyqtar negizindegi daý-damaılardy eńserýge jáne tolerantty, turaqty álem qurýǵa, turaqty damýǵa qol jetkizýge álemdik qoǵamdastyqtyń jumsaǵan kúsh-jigerin sıpattady», - dep jazdy QR Úkimet basshysy K.Másimov Facebook-tegi jeke paraqshasynda.
Egemendikke qol jetkizgen jıyrma jylda Sizdiń ómirińizde qandaı ózgerister oryn aldy, 2003 jyly qalańyzda, aýylyńyzda qandaı qyzyqty oqıǵalar bolǵany, táýelsizdiktiń sizdiń jeke basyńyzǵa qalaı áser etkeni týraly aıtyńyzdar. Joba aıaqtalǵan soń úzdik pikir bildirgenderge baǵaly syılyqtar daıyn.
«Táýelsizdik týraly 20 derek» jobasymen Facebook, VKontakte áleýmettik jelilerinde jáne Premer-Mınıstrdiń resmı saıtynda http://pm.kz/20 tanysyńyzdar.
