«Táýelsizdik tolǵaýy» respýblıkalyq baıqaýy júldegeriniń án-termeler jınaǵy jaryq kórdi

dep habarlaıdy QazAqparat.

«Ónerge alǵash qadam basqan jyldary «Taǵdyrym meni keshirshi» degen atpen úntaspam jaryq kórgen edi. Biraq qazir qolymda onyń bir de bireýi joq. Sondyqtan jańa týyndylarymdy qosyp, qaıta basyp shyǵarýdy jón sanadym. Al albomnyń ataýyna toqtalsam, bul meniń jańa termemniń biri ǵana emes, tyńdarmandaryma ázirge usynǵan tartýym, budan keıin de jalǵasy bolady degen nıetten týǵan», deıdi Estaı Álikeev. Avtordyń aıtýynsha, jınaqqa «Ázirge aıtarym», «Bala qasireti», «Bısımıllá dep bastaıyn», «Jaqsy-jaman», «Saqta, Qudaı», «Jasa, máńgi qazaǵym», «Qarttarym» sııaqty 15-ke jýyq ánderi men termeleri, sondaı-aq «Tulpar ýaqyt», «Jeltoqsan», «Jyrlaýmen seni ótermin», «Sher» óleńderi engen. Bul Estaıdyń tek dombyramen oryndalǵan alǵashqy án jınaǵy. Buǵan deıin ánshi estradalyq baǵytta birneshe albom shyǵarǵan bolatyn.

Úlken sahnaǵa ol alǵash ret «Kúlki kerýeni» ázil-syqaq teatrynda «Úzildi arman» degen ánimen shyqqan bolatyn. Óner jolyndaǵy 10 jyldyq shyǵarmashylyq jumysynyń esebi retinde byltyr qarashanyń 1-i kúni Respýblıka saraıynda «Júregim - sazdy sandyǵym» dep atalatyn alǵashqy án keshin ótkizgen ónerpaz onda «Án-júregimde» dep atalatyn án jınaǵynyń tusaýyn kesti. Al bıyl aqpannyń 11-i kúni Astanada ótken І Respýblıkalyq «Táýelsizdik tolǵaýy» baıqaýynda «Eń úzdik qazirgi zaman ánderi» atalymynda júldeger boldy.