Táýelsizdik tartýy: Ordabasy aýdanynda áleýmettik nysandar ashyldy
Aımaq basshysy Janseıit Túımebaev aldymen Shubarsý aýylyndaǵy «Medical center Shubarsu» medıtsına ortalyǵynyń saltanatty ashylý rásimine qatysty. Qurylysy 2016 jyly bastalǵan nysanda jalpy sany 115 stantsıonarlyq tósek oryn bar. Medıtsına ortalyǵynda terapııa, pedıatrııa, hırýrgııa jáne jaraqat bólimi, fızoterapııa jáne ońaltý bólimi, kúndizgi bólim, statsıonar, zerthana jáne dıagnostıka bólimi, jedel járdem stansasy qyzmet kórsetedi. AQSh, Ońtústik Koreıa, Majarstan, Japonııa, Germanııa jáne ózge de birqatar sheteldik jáne otandyq zamanaýı medıtsınalyq quraldarmen jabdyqtalǵan nysanda 145 adam jumyspen qamtylǵan.
Munan soń, oblys basshylyǵy bastaǵan top aýdan ortalyǵy - Temirlandaǵy «Jastar saraıynyń» ashylýyna qatysty. Búginde 20 shaqty jas mamandy jumyspen qamtyǵan ǵımaratta bolashaqta aýdan jastary túrli úıirmelerge qatysyp, bos ýaqytyn tıimdi paıdalanatyn bolady.
"Táýelsizdiktiń torqaly toıynda Ordabasyda halyqqa óte qajetti eki nysan el ıgiligine berilip otyr. Onyń biri - jańa ózimiz kýá bolǵan medıtsınalyq ortalyq bolsa, ekinshisi jastar úshin boı kóterip, jumysyn bastaǵan osynaý eńseli ǵımarat. Barshańyzǵa belgili, keler 2019 jyldy Elbasymyz "Jastar jyly" dep jarııalady. ıAǵnı, keleshegi kemel jastarymyzǵa memleket tarapynan barlyq jaǵdaıdy jasaý jolynda búgingi ortalyq Ózderińizge amanat. Táýelsiz elimizdiń máńgilik el bolýǵa umtylǵan úmitin jalǵaıtyn, sol armanǵa jetkizetin de Ózderińiz. Maqsat-murattarymyzdyń júzege asýynda búgingi jastar saraıynyń Sizderge tıgizer paıdasy mol dep bilemin", - dedi Janseit Túımebaev.
Aıta keteıik, Temirlan aýylyndaǵy eski kınoteatr ǵımaraty 2014 jyly jergilikti bıýdjet esebinen jeke menshikten satyp alynǵan. Sol kezde aýdan ákiminiń qaýlysymen nysan aýdandyq "Jastar resýrstyq ortalyǵy" kommýnaldyq memlekettik mekemesiniń teńgerimine ótip, kúrdeli jóndeý júrgizildi. Búginde jańarǵan nysan zamanaýı úlgidegi tehnıkalyq bazamen tolyqtaı qamtamasyz etilgen.
