«Táýelsizdik sharapaty 16 myńnan astam sottalǵan adamdy qamtıdy» - respýblıkalyq basylymdarǵa sholý

ASTANA. 8 jeltoqsan. QazAqparat - Qazaq aqparat agenttigi respýblıkalyq basylymdarda 8 jeltoqsan, beısenbi kúni shyqqan ózekti materıaldarǵa sholýdy usynady.

***

«Keshe Elbasy Nursultan Nazarbaev Astananyń sol ja­ǵa­laýynda irgesi qalanǵan jańa «Haziret Sultan» meshitine arnaıy kelip, nysannyń qurylys barysymen tanysty», - dep jazady «Egemen Qazaqstan» gazeti «Elordanyń táýelsizdikke tartýlary» degen taqyryptaǵy maqalasynda. Basylymnyń atap ótýinshe, «Haziret Sultan» meshiti - Qa­zaqstan boıynsha eń úlken kúm­bezdi meshit. Onyń bıiktigi - 51, eni - 28,1 metr. Al bul kúm­bezdiń jıegindegi 8 kúmbezdiń árqaısysynyń eni 7,6 metr, al vestıbıýl kúmbeziniń eni 15,2 metr. Meshittiń aıshyqty kelbetin 4 munara tolyqtyrady. Olar­dyń árqaısysynyń bıiktigi 77 metr. Sonymen qatar osy kúni Memleket basshysy mereıtoı qarsańynda paıdalanýǵa berilgen ta­ǵy bir jańa nysan - №1 kóp­beıindi qalalyq aýrýhanaǵa at basyn burǵan. Tolyǵyraq basylymnyń búgingi nómirinen bile alasyzdar.

«Egemen Qazaqstan» gazetiniń jazýynsha, Lıtva astanasy Vılnıýste ótip jatqan Eýropadaǵy qaýipsizdik jáne yntymaqtastyq uıymyna múshe memleketter Syrtqy ister mınıstrleri keńesiniń 18-shi otyrysy keshe óz máresine jetti. Elimiz Syrtqy ister mınıstri Erjan Qazyhanov bastaǵan qazaqstandyq delegatsııa qatysqan keńes aıasynda kóptegen sharalar júzege asyryldy. «Sondaı ıgi sharalardyń biri «Qa­zaq­stan - Baltyq elderi turǵyn­da­ry­nyń kózimen» dep atalǵan foto jáne sýret kórmesiniń ótkizilýi bol­dy. Mun­da 50-ge tarta tanymal jáne áýes­qoı fotosýretshilerdiń jáne mektep oqýshylarynyń týyndylary qoıy­lyp­ty. Sýretterde negizinen tabıǵat kórinisteri, qazaqtardyń turmys-tirshiligi beınelengen. Al mektep oqýshylarynyń sýretterinde qazaqtyń ulttyq oıý-órnekteri, Astana men Báıterek kórinis tapqan», - dep jazady basylym.

***

Senattyń keshegi otyrysynda «Qazaqstan Respýblıkasy Táýelsizdiginiń 20 jyldyǵyna baılanysty raqymshylyq jasaý týraly» Zań qabyldandy. Qujat Qazaqstan Prezıdenti qol qoıǵan kúnnen kúshine enedi. Bul jaıynda «Alash aınasy» gazetiniń búgingi sanyndaǵy «Táýelsizdik sharapaty 16 myńnan astam sottalǵan adamdy qamtıdy» degen maqalada aıtylǵan. Resmı málimetterge sáıkes elimizde 52 myńnan astam adam qamaýda ustalyp otyr. Al Parlament qabyldaǵan raqymshylyq zańy 16187 adamǵa qatysty bolady. onyń ishinde 2142 adam túrmeden bosatylady. 534 adamnyń qylmys jazasyn óteý merzimderi qyqartylady.

***

Syrtqy saýda zańnamasyn yryqtandyrý, Qazaqstan Respýblıkasynyń Keden odaǵyna kirýi, kedendik baqylaý ýaqytyn qysqartý jaǵdaıynda keden qyzmetiniń róli aıtarlyqtaı artty. Osyǵan oraı atalǵan mańyzdy mindetterdi oryndaýdaǵy jumys nátıjeleri týraly «Aıqyn» gazetiniń búgingi sanynda Kedendik baqylaý komıtetiniń tóraǵasy Serik Baımaǵanbetov keńinen tarqata baıandaǵan. «Qazirdiń ózinde Keden odaǵynyń basymdylyǵy elimizdiń kóptegen bıznes qaýymdastyqtarynyń ókilderi tarabynan oń baǵa alyp otyr. Munyń kýási halyqaralyq tranzıt kólemi ósti, shekara mańyndaǵy saýda kóbeıdi, kásiporyndar ózderiniń kooperatsııalyq baılanystaryn keńeıtti, ol osynyń bári jalpy alǵanda, bıznestiń ózara saýdadaǵy shyǵyndaryn qysqartýǵa yqpal etip otyr», - deıdi ol.

***

«Keshe Aqordada Memleket basshysy Nursultan Nazarbaev Grýzııanyń Premer-mınıstri Nıkoloz Gılaýrıdi qabyldady», - dep jazady «Kazahstanskaıa pravda» gazeti. Kezdesý barysynda ekijaqty qarym-qatynastardy damytýdyń ózekti máseleleri talqylandy. Qazaqstan men Grýzııanyń saýda-ekonomıkalyq yntymaq­tast­y­ǵy­nyń perspektıvalary qaraldy. N.Gılaýrı Nursultan Nazar­baevty Táýelsizdiktiń 20 jyl­dyǵymen quttyqtap, Memleket basshysyna 2012 jyly Tbılısıge resmı saparmen kelip qaıtý týraly Grýzııa Prezıdenti Mıhaıl Saakashvılıdiń shaqyrýyn tap­syrdy.