«Táýelsizdik saraıynda» Sársenbaı Álıevtiń jeke kórmesi ashylady
ASTANA. QazAqparat - 26 tamyzda Konstıtýtsııa kúni qarsańynda «Táýelsizdik saraıynda» Sarsenbaı Salmenuly Álıevtiń jeke kórmesi saltanatty túrde ashylady, dep habarlady «Táýelsizdik saraıy» baspasóz qyzmetinen.
Sarsenbaı Álıev 1954 jyly 22 naýryzda, Atyraý oblysy Teńiz aýdanynda dúnıege kelgen. Ol 1990 jyldan bastap, jýrnalıster odaǵynyń múshesi. «Qazaq sovet entsıklopedııasy», «Shańyraq», «Aqmola», «Negesh» entsıklopedııalarynyń kórkemdeýshi ǵylymı redaktory bolǵan.1987 jyldan bastap, respýblıkalyq jáne Halyqaralyq kórmelerge qatysyp keledi.
2001 jyly Atyraý oblystyq murajaıda jeke kórmesi ashylyp, 2004 jyly Ǵalymdar úıinde «Ular» gallereıasynda shyǵarmalary tanystyryldy. 2007 jyldan beri Qazaqstan Sýretshiler Odaǵynyń múshesi. 2008 jyly «Dala áýenderi» degen atpen kórme-aýktsıonǵa qatysty. 2013 jyly 12 jeltoqsan aıynda «Mádenıet salasynyń úzdigi» tósbelgisimen marapattaldy.
