Táýelsizdik saraıy kúrdeli jóndeýden ótedi
ASTANA. QazAqparat – Bıyl naýryzda elordadaǵy Táýelsizdik saraıyna kúrdeli jóndeý bastalady, dep habarlaıdy QazAqparat tilshisi «Astana Venue Management» JShS-ge silteme jasap.
Aldymen, seriktestik jelide taraǵan «Táýelsizdik saraıy súriledi» degen aqparatty joqqa shyǵardy.
«Alaıda, tehnıkalyq tekserý ǵımarat shatyrynyń metall qurylymynda aqaýdyń baryn kórsetti. Osy oraıda, jekelegen elementter boıynsha kúrdeli jóndeý júrgiziledi», - delingen resmı aqparatta.
Habarlamada aıtylǵandaı, jóndeý jumystary bıyl naýryzda bastalady dep josparlanǵan.
«Táýelsizdik saraıyna buǵan deıin qaıta jáne kúrdeli jóndeý júrgizilmegen», - dep kórsetilgen habarlamada.
Eske salsaq, Táýelsizdik saraıynyń jóndeýden ótetini osydan birneshe jyl buryn málim bolǵan edi.
Aıta keteıik, Astanadaǵy Táýelsizdik saraıynda memlekettik jáne halyqaralyq deńgeıdegi aıtýly is-sharalar uıymdastyrylady.
