«Táýelsizdik monýmentine» qatysty daýdan soń aqtóbelikter oıyn alańyn tegin paıdalanbaq

AQTÓBE. QazAqparat - Aqtóbedegi «Táýelsizdik monýmentine» qatysty daýdan soń sot «súrip tastaý» týraly sheshim shyǵardy. Qazirgi ýaqytta bul alańdy kógaldandyrý, abattandyrý jumysy júrgizilip jatyr. Al buǵan deıin aqyly bolǵan oıyn alańy balalarǵa tegin beriletin boldy, dep habarlaıdy QazAqparat tilshisi.

Aqtóbe qalasynyń bas dańǵylynda ornalasqan «Táýelsizdik monýmentiniń» kóshirmesi zańsyz ornatylǵan dep qalalyq ákimdik kásipkerdi sotqa bergen bolatyn .  Sot sheshimi shyǵyp, qalalyq sáýlet jáne qala qurylysy bólimi metaldy qurastyrmanyń qulap qalýy múmkin ekeninalǵa tartty . Alaıda aqtóbelikter sot sheshimine kelispeı, 500-den astam adam hatqa qol qoıyp, Elbasy Nursultan Nazarbaevqa joldady. Qazirgi ýaqytta kásipker balalarǵa oıyn alańyn tegin berip, alańdy kógaldandyrý jumystaryn bastap ketti.  

«Táýelsizdik monýmentiniń» kóshirmesin saqtap qalyp, saýda úıiniń jan-jaǵyn kógaldandyrýdy oılap otyrmyz. Bizdi qoldaýshylar kóp. Olar óz oılaryn bildirip, hat jazdy. Al saýda úıiniń aldyndaǵy balalardyń oıyn alańyn tegin etip, qala turǵyndarynyń ıgiligine berdik. Tek jumysshylarymyz balalardyń qaýipsizdigi úshin baqylaý júrgizedi. Bul jerde kerik, birneshe ań, qus boldy. Aqtóbelikterge arnaıy ákelingen kerikti óz jerine jiberdik. Al qoıan, túrli qustar ázirge bizdiń sharýashylyǵymyzda saqtaýly tur. Zoobaq ashpaımyz», - dedi kásipker Maqsat Baıjarqynov.