«Táýelsizdik monýmenti jer silkinisine tótep bere ala ma?» - respýblıkalyq basylymdarǵa sholý
***
Qaterli isik aýrýlarymen kóp jaǵdaıda egde tartqan kisiler aýyratyny belgili. Alaıda búgingi kúnderi jańa týǵan náreste de osyndaı dertke dýshar bolýda. Bul ata-anasynan nemese jartylaı gendik turǵydan balaǵa berilý saldarynan bolatyny belgili bolyp otyr. «Ǵasyr derti» atanǵan aýrýdan saqtaný árkimniń qolynan kelmeıtin nárse, tek dárigerden shıpa izdegen durys. Osy oraıda «Aıqyn» gazetiniń tilshisi Qazaq onkologııa jáne radıologııa ǵylymı-zertteý ınstıtýtynyń balalar onkologııasy bóliminiń meńgerýshisi, medıtsına ǵylymynyń kandıdaty Bahram Jumadýllaevqa jolyǵyp, syr tartqan. Suhbat «Qaterli isik qasyńda júr...» degen taqyryppen berilgen.
«Aıqyn» gazetiniń jazýynsha, elimizde ár jyldary túrli sebepterge baılanysty ózge memleketterge qonys aýdaryp, tarıhı otanyna qaıta oraǵan ataqty sportshylarǵa qoldaý kórsetetin qoǵamdyq qor qurylatyn bolady. Bul jaıynda jýyrda Áljan Jarmuhamedov atyndaǵy basketbol mektebiniń ashylý kezinde Qazaqtyń sport jáne týrızm akademııasynyń rektory Qaırat Zakırıanov málim etken. «Rasynda da, Keńes Odaǵy tusynda jáne toqsanynshy jyldardyń basynda zamannyń apaı-topaı kezinde shekara asqandardyń qatary qalyń boldy. Kóptegen bilikti bapkerler men maıtalman mamandar nápaqa izdep, kúnkóristiń qamymen shetelge qonys aýdardy. Bul kúnderi olardyń deni shet elde sport salasynyń ósip-ókkendeýine eńbek etip jatyr», - dep jazady basylym.
***
Almatydaǵy Táýelsizdik monýmentiniń túbinde turǵan sátte árbir qazaqstandyqtyń basyna elimizdiń arǵy-bergi tarıhy, búgingi jetistigi, azattyq pen jarııalyq jaıly oılar keledi. Kókke sozylǵan bıik tas baǵannyń ushar basy kez kelgenniń kózin tartady. Al endi... qudaı betin ary qylsyn, sońǵy kezderi biz asa qasterli bıik obelısktiń jalp etip qulap qalǵanyn da elestetýge májbúrmiz. Qandaı qorqynyshty! «Táýelsizdik monýmenti joıqyn jer silkinisterine tótep bere ala ma?» degenge bas qatyryp júrgende, Respýblıka alańynda bastalǵan taǵy bir qurylys alańdaýshylyqty ábden údetip jiberdi. Bul jaıynda «Alash aınasy» gazetiniń beısenbilik sanyndaǵy «Táýelsizdik monýmenti jer silkinisine tótep bere ala ma?» degen taqyryptaǵy maqalada keńinen baıandalǵan.
«Alash aınasy» gazetiniń búgingi sanynda «Qazaqstan fermeleri odaǵy» qoǵamdyq birlestiginiń vıtse-prezıdenti Aqjol Ábdýqalımovpen aradaǵy suhbat «Qyrǵyzdarda bar «Jaıylym týraly» zań bizde joq» degen taqyryppen berilgen. Basylym tilshisiniń barlyq saýaldaryna tuşymdy jaýap bergen ol: «Negizi, bizge burynǵy KSRO quramynda bolǵan memleketterdiń mal sharýashylyǵyn naryqtyń jolyna durys qoıa bilgenderinen úlgi alý kerek. Sonda halyqtyń ál-aýqatyn arttyryp qana qoımaı, úıde otyrǵan jurtty jumyspen qamtýǵa, bıýdjetten tys nápaqa tabýǵa, naryqty da etpen, sútpen qamtýǵa bolady. Esesine, bul adamdar memlekettiń qolyna qaraılamaıdy, nesıe, sýbsıdııa surap mazalamaıdy», - deıdi.
***
«Táýelsizdiktiń torqaly toıyn elordanyń júzden astam tártip saqshysy basybaıly baspanasynda qarsy alatyn boldy. Olaı deıtinimiz, keshe qalalyq ishki ister departamentiniń qyzmetkerleri polıtseılerge arnalyp salynǵan jańa turǵyn úı kesheniniń ashylý rásimine qatysyp, óz páterleriniń kiltin aldy», - dep jazady «Astana aqshamy» gazeti «Polıtseılerge páter berildi» degen taqyryptaǵy maqalasynda. Basylymnyń atap ótýinshe, Saryarqa aýdanynda boı kótergen keshenniń jalpy aýmaǵy - 8947 sharshy metr. Paıdalanýǵa berilgen ekonom klass sanatyna jatatyn 108 páterdiń qurylysyn «Báıterek - 2007» JShS salǵan.
***
«Memleket basshysy Nursultan Nazarbaev Túrkııa Respýblıkasynyń Prezıdenti Abdýlla Gúlge eldiń ońtústik-shyǵysyndaǵy terrorlyq áreket qurbandaryna baılanysty kóńil aıtý jedelhatyn joldady», - dep jazady «Kazahstanskaıa pravda» gazeti. «ıÝksekova jáne Chýkýrdjada terrorlyq áreket saldarynan túrik áskerleriniń qaza tapqany týraly sýyq habardy tereń kúızelispen qabyl aldym. Baýyrlas Túrkııanyń basynan keship otyrǵan osy orny tolmas qasiretti Qazaqstan halqy da bólisedi. Qazaqstan halqynyń jáne óz atymnan qaza tapqandardyń otbasylaryna, týǵan-týystaryna qaıǵyryp kóńil aıtamyn», - delingen jedelhatta.
