Táýelsizdik monýmenti qalaı ornatyldy: Muraǵattyq vıdeo jarııalandy

NUR-SULTAN. QazAqparat – Prezıdenttiń Teleradıokesheni Almaty qalasynda 1996 jyly Táýelsizdik monýmentiniń qalaı ornatylǵany týraly tarıhı kadrlardy jarııalady, dep habarlaıdy QazAqparat tilshisi.

«Dostar, búgin «no comment» aıdarynda sizderge 1996 jylǵy muraǵat kadrlaryn daıyndadyq. Almatyda Táýelsizdik monýmenti qalaı ornatylyp edi? Eske túsireıik!», - delingen Prezıdenttiń Teleradıokesheni habarlamasynda.

1996 jyly 16 jeltoqsanda Almatydaǵy Respýblıka alańynda Qazaqstan Táýelsizdiginiń 5 jyldyǵyna oraı «Táýelsizdik monýmenti» ashyldy.

Sáýlet ansambli bıiktigi 28 metr bolatyn tas kolonnadan jáne qaptal tastardan turady. Kolonnany qorshaǵan qaptal tastarda halqymyzdyń uly saq dáýirinen Táýelsizdik tańy atqanǵa deıingi tarıhy beınelenedi. Al stellanyń ushar basynda qanatty barys mingen Altyn jaýyngerdiń asqaq músini ornalasqan.