Táýelsizdik merekesi kúnderine arnalǵan aýa raıy boljamy

ASTANA. QazAqparat - 16-19 jeltoqsanda Qazaqstannyń basym aýmaǵynda kún sýytyp, soltústikte boran soǵyp, ońtústikte tuman men kóktaıǵaq bolady dep boljanýda. Bul týraly QazAqparat agenttigine "Qazgıdromet" RMK-niń bergen resmı jaýabynda xabarlanýda.

 Boljam boıynsha, 16-19 jeltoqsan kúnderi elimizdiń shyǵys, ońtústik jáne soltústik óńirlerine aıaz túsedi.

"Mereke kúnderi Qazaqstannyń basym aýmaǵynda aýa raıy turaqsyz bolady dep boljanýda, eldiń soltústiginde qar jaýyp, boran soǵady jáne sekýndyna 20 metr jyldamdyqpen jel kóteriledi. Ońtústik óńirlerde jaýyn-shashyn, tuman túsedi jáne kóktaıǵaq bolady", - delingen xabarlamada.

 Osy kúnderi aýa temperatýrasy kóteriledi dep kútilýde.

"Batys aýmaqta túnde 18-26 gradýstan, 12-17 gradýs aıazǵa deıin, kúndiz 12-20 aıazdan, 7-12-ge deıin. Soltústikte túnde 15-25-ten, 10-15 gradýsqa deıin, kúndiz 10-15-ten, 5-10 gradýsqa deıin. Al ońtústik-shyǵys aımaqta aýa temperatýrasynyń tómendeýi baıqalady: eldiń shyǵysynda 10-20 gradýstan, 20-25 gradýs aıazǵa deıin, kúndiz 5-13 gradýstan, 13-20 gradýs aıazǵa deıin kóteriledi. Ońtústikte jáne ońtústik-shyǵysta túnde 0-8 aıazdan, 8-13 gradýsqa deıin kún sýytady, kúndiz 2-10 gradýs jylydan, 3-8 gradýsqa deıin aıaz bolady. Ońtústikte 15 gradýs jylydan 3-8 gradýs aıazǵa deıin temperatýra tómen túsedi", - delingen "Qazgıdromet" mekemesiniń aldyn ala boljamynda.