Táýelsizdik merekesi kúnderi elordada 109 sábı dúnıege keldi
ASTANA. 18 jeltoqsan. QazAqparat - 16 jáne 17 jeltoqsanda elimizdiń basty meıramy - QR Táýelsizdik merekesi kúnderi elordalyq perzenthanalar men perınataldy ortalyqtarda 109 sábı dúnıege keldi. Bul týraly Densaýlyq saqtaý basqarmasyna silteme jasap astana.kz habarlady.
Meıram kúnderi dúnıe esigin ashqan 109 sábıdiń 58-i ul, 51-i qyz. «Esil aýdanynda 46 jańa týylǵan náreste tirkeldi: 29 ul jáne 17 qyz, Saryarqa aýdanynda 36 náreste: 22 qyz, 14 ul, Almaty aýdanynda 27 sábı, 15 ul men 12 qyz», - dep habarlady astana.kz saıty.
Aıta keteıik, Astanada týý kórsetkishi udaıy artyp keledi. 2010 jyly qalalyq bosanatyn áıelderge dárigerlik járdem beretin mekemelerde 16 444 sábı, 2011 jyly 19 177, 2012 jyly 21 266, al 2013 jyldyń 10 aıynda 18 871 bala dúnıege kelgen.
