Táýelsizdik qurdastarymen kezdesý: Astananyń damýy jastarǵa úlken perspektıva ashty

NUR-SULTAN. QazAqparat - Búgin «Táýelsizdik urpaqtary» jobasy aıasynda Elorda kúnine oraı Táýelsizdik qurdastarymen onlaın-kezdesý ótti, dep habarlaıdy QazAqparat.

QR Aqparat jáne qoǵamdyq damý mınıstrliginiń Jastar jáne otbasy isteri komıtetiniń tóraǵasy Shahmardan Baımanov «Táýelsizdik urpaqtary» jobasy aıasynda qazaqstandyq jastardyń belsendi ókilderin memlekettik bastamalardy ilgeriletýge jáne iske asyrýǵa tartý josparlanǵanyn atap ótti.

Іs-sharaǵa «Bolashaq» Halyqaralyq stıpendııasynyń túlekteri, jastar resýrstyq ortalyqtarynyń basshylary, sondaı-aq gollıvýdtyq fılmderdi qazaq tiline dýblıajdaý jobasynyń jetekshisi A.Orynbaeva, sporttyq-bal bıiniń pedagogy E. Moıseev jáne basqalar qatysty.

Qatysýshylar Nur-Sultannyń Qazaqstan Táýelsizdiginiń nyshanyna aınalǵanyn aıta otyra, astananyń damýy kóptegen jas qazaqstandyqtar úshin úlken perspektıvalardy ashyp, olardyń munda el ómiriniń túrli salalaryndaǵy jetistikterine atsalysýyna jol ashqanyn aıtty.