Táýelsizdik kúnine oraı Túrkistan oblysynda 3 mektep paıdalanýǵa berildi
Táýelsizdik merekesine oraı Túlkibas, Báıdibek aýdandary men Túrkistan qalasynda jańa mektepter óz jumysyn bastady.
Oblys ortalyǵyndaǵy «Arman - M School» mektebi jaıly synyptarmen jabdyqtalǵan. Sondaı-aq, ashana, sport zal, akt zal, medıtsına bólmesimen qamtamasyz etilgen. Jańa modıfıkatsııa kabınetteri men hımııa, fızıka, bıologııa, ınformatıka synyptary talapqa saı jasaqtalǵan. Qaýipsizdik sharalaryna da basa mán berilip, beınebaqylaý kameralary ornatylǵan.
Al, Báıdibek aýdany, Bestoǵaı aýylynda salynǵan Dosan mektebi 100 oryndyq. Eki qabatty bilim ordasy jańa partalarmen jáne taqtamen jabdyqtalyp, kompıýter, bıologııa, fızıka synyptarymen jáne tigin sheberhanalarymen, kitaphana, sport zaldarmen qamtylǵan.
Túlkibas aýdanyndaǵy bilim uıasy «Aýyl El-Besigi» baǵdarlamasy sheńberinde boı kóterip otyr. Jalpy aýmaǵy 2 gektar jerdi alyp jatqan bilim oshaǵy 3340 sharshy metrdi quraıdy.
Aıta keteıik, bıyl Túrkistan oblysynda 53 mekteptiń qurylysy júrip jatyr. Onyń 21 jyl sońyna deıin el ıgiligine beriledi dep kútilýde. Sondaı-aq, óńirde aldaǵy jyldary «Jaıly mektep» jobasy aıasynda 63 mektep salynady.