Táýelsizdik kúnine oraı bir top atyraýlyq marapattaldy
Osyǵan oraı ótken saltanatty jıynǵa qatysýshylardy oblys ákiminiń orynbasary Narıman Taýshov el Táýelsizdiginiń 30 jyldyq merekesimen quttyqtady.
«Táýelsizdik jyldarynda elimiz eńsesin tiktep, ordaly memleketke aınaldy. Álemge tanyldy. Osy kezeńde Atyraý oblysynda kóptegen jańa joba iske qosylyp, ekonomıkanyń barlyq salasynda jetistikke qol jetti. Munyń barlyǵy el azamattarynyń tynymsyz eńbegi men qoldaýynyń nátıjesinde múmkin boldy», -dedi Narıman Taýshov.
Saltanatty jıynda Prezıdent Jarlyǵymen eldiń damýyna eleýli úles qosyp júrgen bir top azamat marapattaldy. Onyń qatarynda eńbek ardagerleri, memlekettik qyzmetshiler, úkimettik emes uıym ókilderi bar. Olarǵa «Halyq alǵysy», «Qazaqstannyń Táýelsizdigine 30 jyl» merekelik medali men Qazaqstan Respýblıkasynyń Qurmet gramotasy
tabystaldy. Sondaı-aq, birqatar azamat «Qazaqstan Respýblıkasy Qarjy mınıstrligine 100 jyl» tósbelgisine ıe boldy.
Oblystyq ardagerler keńesiniń tóraǵasy Murat Óteshovtiń pikirinshe, el Táýelsizdigine barsha azamat úlesin qosty.
«Memleket basshysy elge sińirgen eńbekterińizdi eskerip, arnaıy medalmen marapattady.
Bul qurmet bárimizdi jańa beleske jetelep, jigerlendiretini sózsiz», -dedi Murat Óteshov.
Eske sala ketelik, budan buryn Isataı aýdanynda Táýelsizdik monýmenti ashylǵanyn
habarlaǵan bolatynbyz.
