Táýelsizdik kúnine oraı Altaı aýdanynda jańartylǵan perzenthana ashylady
ASTANA. QazAqparat – Shyǵys Qazaqstan oblysynyń ákimi ákimi Danıal Ahmetov Altaı aýdanyna barǵan saparynda aýdanaralyq aýrýhanaǵa baryp, perzenthananyń jóndeý jumystarynyń qalaı júrip jatqanyn baqylap qaıtty.
Esterińizge sala keteıik, perzenthanaǵa 2018 jyly zamanaýı qurylǵylar satyp alynyp, perzenthanadaǵy 6 dáriger London klınıkalarynda oqyp keldi. Osy jyly 5 qyzmetker Lıtvada bilimin tolyqtyrdy.
2018 jyly kúrdeli jóndeý jumystarynyń jobalyq-smetalyq qujaty jasalyp, osy jyly «DKProekt» JShS kompanııasy iske kiristi.
Qazirgi kúni perzenthananyń ekinshi jáne úshinshi blogynyń jóndeý jumystary aıaqtaldy. Birinshi bloktyń shatyry jabylyp, ishki jumystary 70%-ǵa aıaqtalǵan. Ǵımarattyń aldyndaǵy jumystyń 90% bitti. Perzenthananyń jóndeý jumystaryn 15 jeltoqsan, Táýelsizdik kúni qarsańynda tolyq bitirý josparlanyp otyr.
«Munda biz zamanaýı qurylǵylardy ákeldik. Perzenhananyń 11 dárigeri shetelde oqyp keldi. Kelesi jyly aýrýhanaǵa kardıologııalyq kezeńdi tolyq uıymdastyratyn qurylǵy ákelýdi josparlap otyrmyz. Sol sebepti, mundaǵy jóndeý jumystarynyń sapasy laıyqty dárejede bolǵanyn qalaımyn», - dep atap ótti Danıal Ahmetov.
Sodan keıin ol «Gornıak» Mádenıet úıinde aýdan turǵyndarymen kezdesip, Tuńǵysh Prezıdent kúnimen quttyqtady.
«Osy kúni biz Kóshbasshymyz – Nursultan Ábishuly Nazarbaev týraly maqtanyshpen aıtamyz, oyń arqasynda Qazaqstan táýelsiz memeleket bolyp, tańqalarlyq jetistikterge jetti. Elbasy bilimdi saıasatker jáne jahandyq oqıǵalardyń medıatory retinde álem tarıhyna endi, ol óz halqyna, Otanyna qyzmet etýdiń jarqyn úlgisin kórsetti», - dedi aımaq basshysy.
