Táýelsizdik kúnine arnalǵan balalardyń sýret kórmesi Tuńǵysh Prezıdent murajaıynda ótedi

Ekspozıtsııaǵa «Týǵan jerim» dep atalatyn balalar sýreti  І  Halyqaralyq  baıqaýy  qatysýshylarynyń  eńbekteri qoıylady.

 Elordanyń resmı saıtynyń málimetinshe,  baıqaýdyń basty maqsaty - jas  urpaqtyń boıynda patrıotızm men azamattyq jaýapkershilikti qalyptastyryp,  Otanǵa degen súıispenshilik  sezimi men Qazaqstannyń tarıhy men mádenıetine degen qyzyǵýshylyǵyn  arttyrý, sondaı-aq balalardyń kórkem  shyǵarmashylyǵyn damytý men keńinen nasıhattaý. 

Kórmede: «Qazaqstannyń ótkenine saıahat», «Qazaqstan halqynyń ańyzdary men ertegileri»,  «Qazaq halqynyń dástúri men salttary», «Astana - bolashaq qalasy»,  «Qazaqstan  20 jyldan keıin» taqyryptaryna  elimizdiń barlyq aımaqtarynan jumystar usynylady. Qazaqstan Sýretshiler odaǵy múshelerinen qurylǵan qazylar alqasy  usynylǵan jumystardyń kásibı deńgeıiniń joǵary  ekendigin atap kórsetti.