Táýelsizdik kúnine arnalǵan avtosherý ótti

QARAǴANDY. QazAqparat – Qazaqstan Respýblıkasy Táýelsizdiginiń 30 jyldyǵy aıasynda Temirtaý jáne Qaraǵandy qalalarynda patrıottyq avtosherý ótti. Sharany qalanyń jastar resýrstyq ortalyǵy uıymdastyrdy, dep habarlaıdy QazAqparat tilshisi.

Іs-sharaǵa 15 avtokólik qatysty. Merekelik avtosherýdiń basty atrıbýty Qazaqstan týy boldy. Kólikter tizbegi Eski qaladan bastaý aldy. Metallýrgter dańǵylymen júrip ótken júrgizýshiler avtosherýdi «Vostok» saıabaǵynda aıaqtady.

«Bizdiń aktsııamyzdy temirtaýlyqtar belsendi túrde qoldap, áleýmettik jelidegi úndeýge jaýap berip, qatarymyzǵa qosyldy. Barshańyzdy elimizdiń kele jatqan basty merekesimen quttyqtaımyn jáne Qazaqstannyń órkendep, gúldenýine tilektespin», – dedi Jastar ortalyǵynyń dırektory Aıdyn Jumageldınov.

Temirtaýlyq avtoáýesqoılarǵa qaraǵandylyqtar da qosyldy. Táýelsizdik kúni qarsańynda kenshiler shaharynda «Meniń týym – Meniń Qazaqstanym!» avtosherýi ótti. 15 kólikten quralǵan avtokerýen qalanyń basty kósheleriniń boıymen qazaqstandyq jalaýlardy jelbirep júrip ótti. Oblys turǵyndaryn Jas Otan Jastar qanatynyń Qaraǵandy oblystyq fılıaly men «Regıon» taksı ujymy quttyqtady.