Táýelsizdik kúninde 45 shymkenttik memlekettik nagradamen marapattaldy
Merekelik sharany qalanyń zııaly qaýym ókilderi men memlekettik qyzmetkerler, barlyq salanyń mamandary, eńbek azamattary men qala turǵyndary tamashalady.
Merekelik sharaǵa qatysqan qala ákimi Ǵabıdolla Ábdirahymov qala turǵyndaryn elimizdiń Egemendik alǵan kúnimen quttyqtap, Táýelsizdik - babalar ańsaýymen, urpaqtyń qoly jetken kıeli kezeń ekenin aıtyp ótti.
«Bul kún Otanymyzdyń árbir azamaty úshin qasterli mereke. Qazir biz balalar men babalar san ǵasyrlar ańsaǵan beıbit táýelsiz elde ómir súrip otyrmyz. Yntymaqty uran etip, tatýlyqty tý etken qazaqstandyqtar bıyl táýelsizdiktiń 27 jyldyǵyn toılap otyr. Egemendikti alǵan alǵashqy jyldary ekonomıkalyq daǵdarystardy jeńý jáne halyqtyń ál-aýqatyn kóterý birinshi kezekte turdy. Tuńǵysh Prezıdentimiz Nursultan Nazarbaevtyń kóregen saıasatynyń arqasynda Qazaqstan ekonomıkasy damyǵan eldermen terezesi teń dárejege jetip, yntymaǵy jarasqan kóp ultty memleketke aınaldy»,-dedi ákim.
Sonymen qatar, saltanatty sharada QR Prezıdentiniń Jarlyǵyna sáıkes, memlekettik jáne qoǵamdyq qyzmette sińirgen eńbegi, eldiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi úshin Shymkent qalasynyń 45 azamaty QR Memlekettik nagradamen marapattaldy.
Saltanatty basqosýda QR estrada juldyzdary Marat Omarov pen Madına Sadýaqasova ánnen shashý shashsa, Shymkent qalasynyń óner maıtalmandary án men bılerin tartý etti. Táýelsizdik kúnine oraı uıymdastyrylǵan kontserttik baǵdarlamaǵa 400-ge jýyq óner maıtalmandary jumyldyryldy.