Táýelsizdik kúni qarsańynda Tuńǵysh Prezıdent mýzeıinde balalarǵa arnalǵan sharalar ótedi
ASTANA. QazAqparat -11 jeltoqsan kúni Astana qalasyndaǵy QR Tuńǵysh Prezıdenti Mýzeıinde Balalar kórkemsýret mektebi - ıÝNESKO klýby jáne Astana qalasynyń Bilim basqarmasymen birlese otyryp, birqatar merekelik is-sharalar ótkiziledi, dep habarlady astana.kz.
«Kóp jyldan beri birlese atqaryp júrgen jumystardyń nátıjesi retinde Balalardy qorǵaý kúnine oraı jyl saıyn dástúrli túrde ótkiziletin «Túrli-tústi mozaıka» shyǵarmashylyq festıvalin jáne QR Táýelsizdik kúni qarsańynda ótetin «Týǵan jerim» respýblıkalyq baıqaýyn atap ótýge bolady. «Týǵan jerim» baıqaýy alǵash ret elimizdiń bas merekesi - Táýelsizdik kúnin merekeleý aıasynda 2004 jyly ótkizilgen bolatyn. Bıyl «Týǵan jerim» jobasyna 10 jyl tolady. Osy jyldar ishinde baıqaýǵa elimizdiń túpkir-túpkirinen daryndy balalar qatysyp, dıplomdarmen marapattaldy. Bıyl baıqaý halyqaralyq mártebege ıe boldy, onda qıyr jáne taıaý shet memleketterden balalar jarysqa túsedi. Joba balalar shyǵarmashylyǵy arqyly Qazaqstan halqynyń mádenıetimen, salt-dástúrimen tanysýǵa, qoǵamdy óskeleń urpaqtyń kózimen tanýǵa, bolashaqty zerdeleýge, aǵa býyn ókilderiniń rýhanı-adamgershilik, estetıkalyq qundylyǵyn tanyp bilýge múmkindik beredi», delingen habarlamada.
