Táýelsizdik kúni qarsańynda taldyqorǵandyq 120 otbasy baspanaly boldy
Olarǵa kottedjdi qalashyqtan nesıelik jáne jaldamaly baspanalardyń kiltteri tabystaldy. Osy kúni qonys toıyn toılaǵandar qatarynda kópbalaly, az qamtylǵan otbasylar, erekshe kútimdi qajet etetin jandar jáne Turǵyn úı qurylys jınaq bankiniń salymshylary boldy. Jańa baspanaǵa ıe bolǵandardy qýanyshtarymen oblys ákiminiń birinshi orynbasary Lazzat Turlashov quttyqtady.
Kottedjdi qalashyqta jalpy kólemi 56,6 myń sharshy metrdi quraıtyn 620 jeke turǵyn úı salý josparlanǵan. Sońǵy 2 jylda sonyń 348-ine jańa ıeleri qonystanyp úlgerdi.
Bıylǵy jyly josparǵa sáıkes 253 kottedjdiń qurylysy júrgizilip, onyń 191-i paıdalanýǵa berildi. Jyl sońyna deıin taǵy 97 jeke turǵyn úıdiń kilti tabystalatyn bolady. Kelesi jyly qalǵan 175 kottedjdi paıdalanýǵa berý josparlanǵan.
