Táýelsizdik kúni qarsańynda Shymkenttegi keden beketteriniń qyzmetkerleri marapattaldy

ShYMKENT. QazAqparat – Shymkent qalasy boıynsha Memlekettik kirister departamentinde Qazaqstan Respýblıkasynyń Táýelsizdik kúni merekesine arnalǵan saltanatty jıyn ótti. Atalǵan sharada elimiz úshin ulyq mereke sanalatyn aıtýly kúnniń mańyzdylyǵy sóz boldy, dep habarlaıdy QazAqparat tilshisi.

Saltanatty sharada departamenttiń basshysy Nuralhan Kósherov quttyqtaý sóz sóılep, búgingi kúnniń tynyshtyǵy men táýelsizdiktiń barlyq jetistikterin atap ótti.

«Táýelsizdik eń aldymen, qazaq halqynyń bostandyqqa umtylǵan asqaq armany men qaısar rýhynyń jemisi. Bıyl táýelsiz el atanǵanymyzǵa 28 jyl tolyp otyr. Osy ýaqyt ishinde elimiz tolaǵaı tabystarǵa jetip, birneshe belesterdi baǵyndyryp úlgerdi. Tuńǵysh Prezıdentimiz-Elbasy Nursultan Nazarbaevtyń sandarly saıasatynyń arqasynda elimiz kórkeıip, qaryshtap damý jolyna tústi. Shymkent qalasynyń megapolıske aınalyp, ekonomıkalyq damýy sonyń bir dáleli dep bilemin»,- dedi Nuralhan Kósherov.

Merekelik jıynda sondaı-aq, departamenttiń basqarma jáne keden beketteriniń erekshelengen qyzmetkerleri marapattaldy. Qazaqstan Respýblıkasy memlekettik kirister júıesiniń damýyna eleýli úles qosqany, úlgili jáne jemisti jumysy úshin jáne Qazaqstan Respýblıkasynyń Táýelsizdik kúnin merekeleýge oraı memlekettik kirister organdarynyń birqatar qyzmetkerlerine departamenttiń jáne QR QM MKK Qurmet jáne alǵys gramotalary tabystaldy.

Shara sońy Táýelsizdik merekesine oraı uıymdastyrylǵan kontserttik baǵdarlamamen jalǵasty.