Táýelsizdik kúni qarsańynda birqatar jýrnalısterge memlekettik nagradalar tapsyryldy

NUR-SULTAN. QazAqparat –Táýelsizdigimizdiń 30 jyldyǵy qarsańynda elimizdiń televızııa salasyna zor eńbek sińirgen birqatar jýrnalıst Qazaqstan Respýblıkasy Prezıdentiniń 2021 jylǵy 2 jeltoqsandaǵy Jarlyǵyna sáıkes memlekettik marapattarǵa ıe boldy. Bul týraly Memleket basshysynyń baspasóz hatshysy Berik Ýálı Facebook-tegi paraqshasynda jazdy, dep habarlaıdy QazAqparat.

«Táýelsizdik kúni – kúlli jurtymyz úshin ulyq mereke. Azattyǵymyzdyń 30 jyldyǵy qarsańynda azamattardyń eńbegi elenip, Memleket basshysy tarapynan ártúrli marapat alyp jatyr. Tókken ter men tynymsyz eńbekti eldiń eń joǵarǵy basshysy elep jatsa, árıne, ol – zor qýanysh. Marapat ıelerin shyn júrekten quttyqtaımyn! Eń bastysy elimiz aman, jurtymyz tynysh bolǵaı!

Búgin Táýelsizdigimizdiń 30 jyldyǵy qarsańynda elimizdiń televızııa salasyna zor eńbek sińirgen birqatar jýrnalıst Qazaqstan Respýblıkasy Prezıdentiniń 2021 jylǵy 2 jeltoqsandaǵy Jarlyǵyna sáıkes memlekettik marapattarǵa ıe boldy.

Sonymen «Qurmet» ordenimen «Habar» agenttiginiń telejúrgizýshisi Zeıin Álipbek pen «Qazaqstan» UTA «Apta» saraptamalyq baǵdarlamasynyń júrgizýshisi Jaına Slambek nagradtaldy.

«Eren eńbegi úshin» medalimen «Habar24» telearnasynyń júrgizýshisi Asylbek Abdýlov, jýrnalıst Muhtar Túmenbaı jáne «KTK» telearnasynyń júrgizýshisi Mádına Balǵabaeva marapattaldy», - dep jazdy Berik Ýálı.