Táýelsizdik kúni qarsańynda Atyraýda jańa balabaqsha ashyldy
ATYRAÝ. QazAqparat - Atyraý qalasynda Táýelsizdik kúni merekesiniń qarsańynda jańa balabaqsha ashyldy. 290 orynǵa arnalǵan mektepke deıingi bilim berý mekemesi demeýshilerdiń qarajatyna salynǵan, dep habarlaıdy «QazAqparat» HAA qala ákimdiginiń baspasóz qyzmetine silteme jasap.
Qalanyń Samal shaǵynaýdanynda ornalasqan balabaqshanyń qurylysy Atyraý oblysy ákimdigi men «KTK-K» AQ kompanııasynyń arasynda qol qoıylǵan kelisim aıasynda júrgizilgen. Nysannyń jalpy aýdany 2 myń sharshy metrden asady.
«Búginde Samal shaǵynaýdanynda 2,5 myńǵa jýyq adam turyp jatyr. Jańa balabaqsha jergilikti turǵyndar úshin naǵyz syılyq boldy. Qazirgi kezde munda 900 orynǵa arnalǵan orta mekteptiń qurylysy júrgizilýde», - dep baıandady Atyraý qalalyq bilim berý bóliminiń bastyǵy Farýza Shańgereeva.
Avtory: A. Sokolov
