Táýelsizdik kúni «Astana Operada» ulttyq mýzykanyń jaýharlary shyrqalady
ASTANA. QazAqparat - 16 jeltoqsanda «Astana Opera» teatrynyń Úlken zalynda elimizdiń basty ulttyq merekesi - Qazaqstan Táýelsizdigi kúnine arnalǵan gala-kontsert ótedi, dep habarlaıdy elorda ákimdiginiń resmı saıty teatrdyń baspasóz qyzmetine silteme jasap.
Merekelik keshke «Astana Opera» sımfonııalyq orkestri, Astana qalasy Memlekettik fılarmonııasynyń halyq aspaptar orkestri jáne «Astana Opera» teatrynyń kontserttik hory, Astananyń Memlekettik fılarmonııasy men Qazaq ulttyq óner ýnıversıtetiniń hory qatysady.
Sahnada klassıkalyq vokal sheberleri, «Astana Opera» teatrynyń solısteri, Qazaqstannyń eńbek sińirgen qaıratkerleri Dına Hamzına, Janat Shybyqbaev, Jan Tapın, Armenııanyń halyq artısi Barseg Týmanıan, Halyqaralyq baıqaýlardyń laýreattary Aızada Qaponova, Talǵat Galeev, Bolat Esimhanov, Tatıana Vıtsınskaıa, Saltanat Muratbekova, Gúljanat Sapakova, Madına Islamova, Nazym Saǵyntaı, Elena Ganja, Ramzat Balakıshıev jáne aǵy da basqa óner ıeleri elorda turǵyndary men qonaqtarynyń nazaryna ulttyq mýzyka, Qazaqstan halyqtarynyń ánderi, opera klassıkteriniń jarqyn týyndylary, sondaı-aq sheteldik kompozıtorlardyń tanymal týyndylaryn usynady.
«Qazaqstan Respýblıkasynyń Táýelsizdik kúni - elimizdiń árbir azamaty úshin eń mańyzdy mereke. Táýelsizdik bizdiń halqymyz úshin aıryqsha mańyzǵa ıe. Biz Qazaqstan damýynyń jańa kezeńiniń bastalýyna kýá boldyq. Sondaı-aq, qazaqstandyq mádenıet pen ónerdiń órkendeýine kýá bolyp kele jatqanymyzdy atap ótkim keledi. Elbasy Nursultan Nazarbaevtyń dana jáne kóregen saıasatynyń arqasynda Qazaqstan turǵyndary búgin úlken perspektıvaǵa ıe», - dedi maestro Rýslan Baımýrzın.
Kontsert saǵat 17:00-de bastalmaq.
