Táýelsizdik kúni Almatyda egizder dúnıege keldi

ALMATY. QazAqparat - Almaty densaýlyq saqtaý basqarmasy 2018 jylǵy 16 jáne 17 jeltoqsan kúnderinde jáne 11 aı ishinde dúnıe esigin ashqan sábıler jóninde qyzyqty aqparatpen bólisti, dep habarlaıdy QazAqparat tilshisi.

Almaty qalasynda 4 perzenthana, statsıonarda 1 bala bosaný bólimi jáne 2 perınataldy ortalyq jumys isteıdi.

«Mereke kúnderi Almaty perzenthanalary men perınataldyq ortalyqtarynda 188 bala dúnıege keldi. Sonyń ishinde 95 ul bala men 93 qyz bala, egizder juby bar. Sondaı-aq, 2018 jylǵy 11 aıdyń ishinde Almaty qalasynda 40 502 bala dúnıege keldi, sonyń ishinde 20 772 ul bala men 19 730 qyz bolǵan. Týylǵan balalardyń jalpy sanynyń ishinde 471 egiz ben 3 úshem bolǵan», - dep habarlady Almaty qalasynyń Densaýlyq saqtaý basqarmasynan. 

Avtor: Albert Ahmetov