Táýelsizdik - eldi biriktiretin, bizdiń Ulttyq Rýhymyzdy asqaqtatatyn Uly mereke - Qazaqstan halqy Assambleıasynyń quttyqtaýy
«Qurmetti otandastar!
Qazaqstan halqy Assambleıasy Sizderdi elimizdiń basty ulttyq merekesi - Qazaqstan Respýblıkasy Táýelsizdigi kúnimen quttyqtaıdy!
Bul kún jańa Qazaqstannyń týylǵanyn, bizdiń elimizdiń egemendigi men óz taǵdyryn derbes sheshý quqyǵynyń paıda bolǵanyn pash etedi.
Osy kúni biz uly ata-babalarymyz armandaǵan - qasıetti qazaq jerinde birtutas memleket qurý muratynyń aqıqatqa aınalǵanyna kýá boldyq!
Biz búginde týǵan jer men qazaq eliniń azattyǵy jolynda ǵasyrlar boıy janqııarlyqpen kúresken azamattarymyzǵa bas ıip, erekshe qurmetpen eske alamyz. Bul kúni barsha halyq Otanymyzdyń bostandyǵy úshin kúresken - ulttyq batyrlarymyzǵa, kórnekti memleket qaıratkerlerine, qazaq dalasynyń uly uldary men qyzdaryna taǵzym etedi.
Bul eldi biriktiretin, bizdiń Ulttyq Rýhymyzdy asqaqtatatyn jáne Uly daladaǵy memlekettiliktiń, dástúr men mádenıettiń laıyqty murageri - Táýelsiz Otanymyzdyń óz dástúrlerin qalyptastyratyn Uly mereke.
Búginde Qazaqstandy, ıadrolyq qarýdan bas tartqan jáne etnosaralyq, konfessııaaralyq toleranttylyqtyń biregeı úlgisin qalyptastyrǵan, beıbitshil el retinde barsha álem moıyndady.
Bizdiń Memlekettik Týymyz ben Memlekettik Ánuranymyz barsha álemge tanylǵan. Bizdiń elimiz qabyrǵaly, damyǵan memlekettermen terezesin teńep, senimdi seriktes retinde moıyndalǵan.
Bul, eń aldymen, Qazaqstannyń Tuńǵysh Prezıdenti Nursultan Ábishuly Nazarbaevtyń eńbeginiń, bizdiń halqymyzdyń jarqyn nıeti men qoldaýynyń arqasynda jetken bıik beles!
2012 jyly Astana qalasynyń eń tanymal halyqaralyq EHRO kórmesin 2017 jyly ótkizý orny bolyp tanylýy - elimiz úshin taǵdyrly tarıhı oqıǵa! Bul sózsiz Qazaqstannyń aıtýly mártebesi, Elbasynyń aıshyqty jeńisi, Qazaqstan halqynyń qajyrly eńbeginiń aıqyn nátıjesi, Táýelsizdik kúni qarsańyndaǵy úlken syı.
Búginde Qazaqstannyń árbir azamaty bolashaǵyna senimmen qaraıdy, eliniń jetistikterin jáne Qazaqstan Respýblıkasy azamaty ekenin maqtan tutady.
Biz Prezıdent Nursultan Ábishulyn, barsha Qazaqstan halqyn Táýelsizdik kúnimen quttyqtaımyz! Qazaq jerine birlik, beıbitshilik jáne yrys tileımiz.
Uly mereke bizge árqashan Otanymyzdyń izgiligi, keleshek urpaqtyń baqytty ómiri jolyndaǵy jarqyn jetistikterge bastaıtyn qaısar kúsh-qýat, berik senim syılasyn!
Mereke qutty bolsyn, qadirli otandastar!»,-delingen Qazaqstan halqy Assambleıasy Keńesiniń quttyqtaýynda.
