«Táýelsizdik dáýiri» jobasy - egemen el shejiresi
2021 jyly Qazaqstan Respýblıkasy óziniń 30 jyldyǵyn atap ótedi. Osyǵan baılanysty elimizdiń Táýelsizdigi tarıhyn zerdeleý, ony qazaqstandyqtardyń jas býyny arasynda dáripteý qajettiligi týyndap otyr.
Jobany jasaý barysynda Qazaqstan Respýblıkasynyń Tuńǵysh Prezıdenti – Elbasynyń «Táýelsizdik dáýiri» kitabyn negizge alyndy. Tarıhı pýblıtsıstıka janrynda jazylǵan kitap elimizdiń jańa tarıhyna jáne onyń bolashyǵyna kóz salǵan avtordyń kózqarasyn kórsetedi. Kitapta táýelsiz memleket qurylysynyń negizgi kezeńderi qarastyrylǵan, damýdyń «qazaqstandyq modeliniń» máni, álemniń básekege eń qabiletti 50 eliniń qataryna Qazaqstannyń merziminen buryn kirýi jáne 30 úzdik eldiń qataryna kirýge qaraı órleýi kórsetilgen.
«Táýelsizdik dáýiri» jobasy 62 longrıdten (31 qazaqsha, 31 oryssha) turady. Longrıdtarda mýltımedıa formatynda qazirgi tarıhymyzdaǵy mańyzdy oqıǵalar, respýblıkamyzdyń saıası-áleýmettik jáne ekonomıkalyq damýy, syrtqy jáne ishki saıasattyń negizgi kezeńderi kórsetilgen.
Joba ulttyq tarıhty jáne qazaqstan halqynyń mádenıetin dáripteýge baǵyttalǵan, sondyqtan da joba tek mátindik materıaldarmen ǵana emes, sonymen birge aýdıo jáne beınekontentpen de ázirlenegen. «Táýelsizdik dáýiri» jobasy tórt bólimnen turady:
I bólim. Memleketimizdiń dúnıege kelýi. Qazaqstannyń birinshi jańǵyrýy (1991–1995 jyldar),
II bólim. Uly betburys. Qazaqstannyń ekinshi jańǵyrýynyń bastalýy (1996–1999 jyldar),
III bólim. Qııaǵa qulash sermeý. Qazaqstannyń ekinshi jańǵyrýy (2000 – 2010 jyldardyń basy),
IV bólim. Qalyptasqan memleket. Qazaqstannyń úshinshi jańǵyrýy (2010 jyldar).
Ár bólim qazaq jáne orys tilderinde berilgen. Internet-resýrs qazaqstandyq qana emes, sonymen qosa sheteldik aýdıtorııany da qamtýdy josparlaıdy.
«Táýelsizdik dáýiri» jobasy jastardyń patrıottyq sanasynyń qalyptasýyna, ulttyq mádenıet pen tarıhtyń, qoǵamdyq sananyń maqsatyn, QR Tuńǵysh Prezıdenti – Elbasy N.Nazarbaevtyń álemdik arenadaǵy rólin jáne qazirgi qazaqstandyq memlekettiń jasampazdyǵyn túsinýge múmkindik beredi.