«Táýelsizdik dáýiri» kitabynyń elektrondyq nusqasy jarııalandy
«Qazaqstan Respýblıkasynyń Prezıdenti Nursultan Nazarbaevtyń «Táýelsizdik dáýiri» atty bul kitaby tarıhı pýblıtsıstıka janrynda jazylǵan, ol elimizdiń jańa tarıhy men onyń erteńine degen avtordyń kózqarasyn tanytady. Egemen memlekettiń negizi qalanǵan kúnnen bastap onyń qalyptasý kezeńderiniń erekshelikteri men 26 jyldyq táýelsizdik dáýirindegi ishki jáne syrtqy syn-qaterlerdi eńserýge baılanysty qabyldanǵan sheshimderdiń mán-mazmuny men tetikteri egjeı-tegjeıli baıandalady» delingen habarlamada.
Sondaı-aq, jarııalanǵan mátinde prezıdenttiń kitabynda «qazaqstandyq damý úlgisiniń» tabıǵaty men onyń evolıýtsııasy, basty ustanymdary jazylǵany týraly derek keltirilgen.
«Kitapta «qazaqstandyq damý úlgisiniń» tabıǵaty men onyń evolıýtsııasy, basty ustanymdary men qozǵaýshy kúshteri saralanǵan. Qazaqstandy jańǵyrtýdyń úsh tolqyny keńinen ashyp kórsetilgen. Birinshi jáne ekinshi jańǵyrtý aıasynda totalıtarlyq júıeden túbegeıli ajyrap, naryqtyq ekonomıkany qurý jáne básekege barynsha qabiletti elý eldiń qataryna qosylý mindeti merziminen buryn oryndaldy. Úshinshi jańǵyrtýdyń maqsaty - elimizdi qalyptasqan jańa jahandyq ahýal jaǵdaıynda jańǵyrta otyryp, álemdegi eń órkendi 30 memlekettiń qataryna qosý» dep jazylǵan.
