Táýelsizdik dańǵylyndaǵy kópir keler jyly ashylady - elorda ákimi

ASTANA. QazAqparat – Esil ózeni arqyly ótetin Táýelsizdik dańǵylyndaǵy kópirdi kelesi jyly ashý josparlanyp otyr. Bul týraly Astana qalasynyń ákimi Altaı Kólginov áleýmettik jelidegi resmı paraqshasynda málimdedi, dep habarlaıdy QazAqparat tilshisi.

«Esil ózeni arqyly ótetin Táýelsizdik dańǵylyndaǵy kópir qurylysynyń barysymen tanystym. Bul kópir Táýelsizdik dańǵyly, jańa temirjol vokzaly, Qoshqarbaev dańǵyly, Nájimedenov kóshesi, Áziret Sultan meshiti, Baıtursynov kóshesi, Qordaı, Aınakól, Momyshuly dańǵyly men sol jaǵalaý arasyndaǵy qosymsha baılanysty qamtamasyz etedi. Bul kópirdi 2023 jyly aıaqtaýdy josparlap otyrmyz.

Budan basqa, osy jyldyń tamyz aıynda Uly dala dańǵylyndaǵy jańa kópir ústindegi qozǵalysty ashtyq. Kópir Máńgilik el dańǵylyna, A. Baıtursynov, R. Qoshqarbaev, J. Nájimedenov kóshelerine, Nova City aýdanyna, «Myńjyldyq» alleıasynda kólik aǵynyn seıiltýge, «Nurly jol» jańa vokzalyna, Telman jáne Promyshlennyı eldi mekenderine, Metro gıpermarketine, Jumabaev dańǵylyna jáne Júrgenov kóshelerine jetý múmkindigin arttyrady», - dep jazdy Altaı Kólginov óziniń Іnstagram paraqshasynda.

Ákimniń málimetinshe, osy aıda A91 kóshesinen Astana-Qaraǵandy tas jolyna deıingi aralyqta qozǵalys qalpyna keledi. Bul kóshe Qaraǵandy tas joly, «Nurly Jol» vokzaly jáne qalanyń sol jaǵalaýy arasyndaǵy kólik qatynasyn qamtamasyz etedi. Sonymen qatar, Altaı Kólginov sońǵy jyldary elorda mańyndaǵy eldi mekenderde 400-den astam kóshe jóndelgenin atap ótti.

Foto: www.instagram.com/altay_kulginov_official