Táýelsizdik alǵannan beri Qazaqstan aımaqtyq jáne jahandyq qaýipsizdikti kúsheıtýde aıqyn úlesin qosýda - Elbasy
ASTANA. Jeltoqsannyń 22-si. QazAqparat /Rýslan Ǵabbasov/ - Táýelsizdik alǵannan beri Qazaqstan aımaqtyq jáne jahandyq qaýipsizdikti kúsheıtýde aıqyn úlesin qosýda.
Bul týraly búgin Aqordada Elbasy Nursultan Nazarbaev elimizdegi tirkelgen dıplomatııalyq korpýstyń ókilderimen kezdesý kezinde málim etti, dep habarlaıdy QazAqparat.
«Bizdiń el ıadrolyq qarýsyzdanýmen, ony taratpaýǵa baǵyttalǵan halyqaralyq aýqymdy yntymaqtastyǵynyń belsendi qatysýshysy boldy jáne bolady da», dedi Memleket basshysy.
Osy oraıda Elbasy tamyzdyń 29-y - Semeı ıadrolyq polıgonynyń jabylý kúnin ıadrolyq synaqtarǵa qarsy halyqaralyq is-qımyl kúni retinde belgileý máselesi usynylǵanyn eske salyp ótti. Osyǵan baılanysty Prezıdent BUU Bas Assambleıasy elimizdiń osy usynysyn qoldaýǵa negizdelgen tıisti qarar qabyldaǵanyna erekshe qurmetpen qaraıtynyn jetkizdi.
