Táýelsiz sot sarapshysy: Marqum Dýlat Aǵadilde dene zaqymdary bolǵan joq
«Eń aldymen mezgilsiz qaza tapqan Aǵadildiń jaqyndary men týǵan-týystaryna kóńil aıtamyz. Áleýmettik jeliler men Internet resýrstarda D.Aǵadildiń múrdesin jerleý aldynda jýyndyrý ornynan oǵan qatysty zorlyq-zombylyq jasalyndy delingen pikirlermen vıdeomaterıaldar jappaı taralyp jatyr. Birden aıtaıyn, bul ádep pen ǵıbrat normalaryna qaıshy keledi. Vıdeojazba qaza tapqan adamnyń týystarynyń kelisiminsiz túsirilip, taratylǵan», - dedi Nur-Sultan qalasy prokýrorynyń orynbasary Eldos Qılymjanov.
Qazirgi ýaqytta qajetti barlyq tergeý amaldary júrgizilip jatqanyn aıtqan onyń sózine qaraǵanda, áleýmettik jelide taraǵan vıeomaterıaldarda múrdede dene jaraqaty syndy daqtardyń bar ekendigi kórsetilgen.
«Óz tarapymyzdan múrdedegi daqtyń bıologııalyq ólim belileri sanalatyndyǵyna nazar aýdartqymyz keledi. Medıtsına tilimimen aıtsaq, daq júrek qyzmetin toqtatqanda jáne 1 saǵattan keıin paıda bolýy múmkin», - dedi E.Qılymjanov.
Osy rette táýelsiz sot-medıtsına sarapshysy Arman Ahanbekov te múrdede daqtyń qalaı paıda bolatyndyǵyn túsindirip berdi.
«Adam ólgennen keıin múrdede paıda bolatyn daq múrdeniń ózgeristerge ushyraýy sanalady. Naqtylaı túser bolsam bul múrdeniń barynsha tómen ornalasqan bóligine salmaqtyń áserinen qannyń jınalyp qalǵan bóligi. Múrde daǵy damýynyń, pishiniń jáne túsiniń belgili bir rettiligi bar. Bir-eki táýlikten keıin ádette múrde daǵy aralaspaıdy. ıAǵnı, daqy múrdeniń belgili bir bóliginde bolsa, sol jer qalyp qoıyp, pishin de ózgertpeıdi. Ádette onyń túsi qara-kók, qara-qoshqyl bolyp keledi. Adam ólgennen keıin onyń qandaı da bir dene jaraqaty retinde qarastyrylýy oryndy. Degenmen, múrdeni qaraý barysynda vıdeoda sıpattalǵandaı qandaı da bir dene jaraqattary anyqtalǵan joq», - dedi A.Ahanbekov.
Osy rette Nur-Sultan qalasy prokýrorynyń orynbasary Eldos Qılymjanov belsendiniń ólimine qatysty tergeý amaldary jan-jaqty júrgizilip jatqandyǵyn basa aıtty.
«Alǵashqy kúnnen-aq táýelsiz sarapshylar jumyldyrylyp, foto jáne vıdeo túsirilimder qoldanyldy. Qazir biz sarapshylyq zertteýdiń resmı qorytyndysyn kútýimiz qajet. Azamattardan asyǵys qorytyndy shyǵarýdan jáne jalǵan aqparat taratýdan tartynýǵa shaqyramyz. Búgin qaza tapqan Dýlat Aǵadildiń anasy otbasynyń kelisiminsiz vıdeo túsirip, ony taratqan tulǵaǵa shara qoldaný týraly aryzben júgindi. Ol bul vıdeojazbaǵa ashýlanyp otyr», - dedi ol.
Esterińizge sala ketsek, 25 aqpanda Nur-Sultan qalasynyń tergeý ızolıatorynda belsendi Dýlat Aǵadildiń qaza tapqany belgili bolǵan edi.