Táýelsiz saraptaý komıssııasy Atbasardaǵy sý tasqynynan kelgen shyǵyndy baǵalaýda
ASTANA. QazAqparat - Táýelsiz saraptaý komıssııasy shyǵyndy baǵalaý úshin Atbasardaǵy 429 úıdi aralady, dep habarlaıdy «QazAqparat» HAA tilshisi Aqmola oblystyq ishki saıasat basqarmasyna silteme jasap.
Atbasar aýdanynda shyǵyndy baǵalaý boıynsha táýelsiz saraptaý komıssııasy úılerdi tekserip jatyr. Qazirgi tańda turǵyndardan 581 ótinish, sonyń 460-y Atbasar qalasynan kelip túsken. Táýelsiz saraptaý komıssııasy 429 úıdi tekserip, Atbasar qalasyndaǵy 331 úıdiń, Pokrovka aýylyndaǵy 32 úıdiń, Sadovyı aýylyndaǵy 3 úıdiń apattyq jaǵdaıda turǵanyn málimdedi. 133 úıge (Atbasardaǵy 109, aýyldardaǵy 24) jóndeý jumystaryn qajet dep tapty.
Aýdanda sý tasqynynan zardap shegýshilerge quqyqtyq kómek kórsetetin zań toby jumys jasaıdy. 
Stepnoe aýylynda sý tasqynynan zardap shegýshiler úshin kóppáterli turǵyn úıler salýǵa arnalǵan 80 gektar jerge móltekaýdan qurylysynyń jobasy jasaldy.
Sý tasqynynan zardap shekken turǵyndarǵa barynsha kómek kórsetilýde. Aqmola oblystyq Qazaqstan halqy Assambleıasynyń arnaıy shotyna 18 mıllıon teńge túsken. Qarajat jınaý jalǵasyp jatyr.
