Táýelsiz Qazaqstannyń tól álipbıi bekidi - Orazkúl Asanǵazyqyzy

ASTANA. QazAqparat - Táýelsiz Qazaqstannyń tól álipbıi bekidi. Bul týraly búgin Ortalyq kommýnıkatsııalar qyzmetindegi baspasóz máslıhatynda qoǵam qaıratkeri Orazkúl Asanǵazyqyzy aıtty, dep habarlaıdy QazAqparat.

«Búgin qýanyshty kún. Elbasynyń «Bolashaqqa baǵdar: rýhanı jańǵyrý» atty maqalasynda atalǵan másele kóterilgennen keıin Qazaqstan halqynyń barlyǵy latyn álipbıine kóshýdi qoldady. Úkimet ne bolmasa Ahmet Baıtursynov atyndaǵy Til bilimi ınstıtýty, Sh.Shaıahmetov atyndaǵy Tilderdi damytýdyń respýblıkalyq úılestirý-ádistemelik ortalyǵy ǵalymdary ǵana emes sonymen birge latyn álip ózinshe daıyndaǵan azamattar kóp ekeni belgili. Mine, osyndaı usynystardyń túsýiniń ózi úlken qoldaý boldy», - dedi ol.

Onyń aıtýynsha, Elbasynyń Jarlyǵymen Premer-Mınıstr bastaǵan arnaıy komıssııa qurylyp, egjeı-tegjeıli jumys atqardy.

«Búgin sizderge aıtarymyz, táýelsiz Qazaqstannyń tól álipbıi bekidi. Endi búkil Qazaqstannyń maqsaty, jumysy bireý ǵana bolýy kerek. Ol - osy  álipbıdi anaý-mynaý eken demeı, úırený, jazyp qoldaný», - dedi Orazkúl Asanǵazyqyzy.