Táýelsiz Qazaqstannyń búgingi Konstıtýtsııasy - halqymyzdyń ańsaǵan armanynan bastaý alǵan - B. Baıbek
«Kez-kelgen memleket óz qyzmetin eń aldymen negizgi zańyn - Konstıtýtsııasyn qabyldaýdan bastaǵan. Konstıtýtsııa memlekettiliktiń basty kepili retinde árdaıym ulyqtalǵan. Táýelsiz Qazaq eli úshin Ata zańymyz aıryqsha maǵynaǵa, mánge ıe. Osydan 21 jyl buryn, 1995 jylǵy 30 tamyzda memleketimizdiń jańa Konstıtýtsııasy azattyqtyń altyn besigi - Almatydaǵy burynǵy Úkimet úıinde, qazirgi Qazaq-Brıtan tehnıkalyq ýnıversıtetiniń ǵımaratynda qabyldandy. Bul tarıhı oqıǵa, halyqtar úshin úlken mártebe, zor maqtanysh», - dedi B. Baıbek.
Sonymen zatar, ol Ata zańnyń Uly dala zańdarynan bastaý alatyndyǵyn basa aıtty.
«Elbasy Nursultan Nazarbaev bir sózinde: «Bizdiń Konstıtýtsııamyz taqyr jerde paıda bolǵan joq. Kimde-kim elimizdiń negizgi zańynyń rýhy men mańyzyn tereń túsingisi kelse, onyń jasalý, qalyptasý tarıhyn jaqsy bilýi kerek», - degen bolatyn. Jalpy, Qazaq tarıhynda «Dala Konstıtýtsııasy» atalyp ketken, sonaý handyq dáýirde dala zańdarynyń tamasha úlgileri bolǵan. Qazaq handary ulttyq danalyq qaǵıdalaryn, salt-dástúrler men ádet-ǵuryptardy júıelep, zańdar jıyntyǵyn shyǵarǵan. Ár zańǵa sol zamandaǵy bıleýshiniń esimin baılanystyrǵan. Mysaly, «Esim hannyń eski joly», «Qasym hannyń qasqa joly» syndy ataýlar berilgen. Táýelsiz Qazaqstannyń búgingi Konstıtýtsııasy babalar batasynan, halqymyzdyń ańsaǵan armanynan bastaý alǵany sózsiz», - dedi B. Baıbek.
Budan keıin, saltanatty jıyn Qurmanǵazy atyndaǵy halyq aspaptary orkestri men Abaı atyndaǵy Qazaq memlekettik akademııalyq opera jáne balet teatrynyń sımfonııalyq orkestriniń súıemeldeýimen estrada jáne opera juldyzdary qatysqan merekelik kontsertke ulasty. 