Táýelsiz baıqaýshylardyń respýblıkalyq júıesi: BAQ-da saıası partııalardyń aqparattyq naýqandarynyń kórinis tabýy jaqsardy
ALMATY. 13 qańtar. QazAqparat /Erlik Erjanuly/ - Barlyq deńgeıdegi saılaý komıssııalarynyń saılaý ótkizýge jáne saılaý kúnine daıyndyq boıynsha jumysy qanaǵattanarlyq.
Búgin Almatyda Táýelsiz baıqaýshylardyń respýblıkalyq júıesi (TBRJ) QR Parlament Májilisi depýtattarynyń kezekten tys jáne QR máslıhattaryna depýtattardy kezekti saılaýy boıynsha uzaq merzimdi baqylaýdyń aldyn ala tujyrymdamasyn tanystyrý kezinde osylaı aıtyldy.
Qoǵamdyq qor bul baqylaýdy 1 jeltoqsan men 12 qańtar aralyǵynda Qazaqstannyń 13 aımaǵynda (Mańǵystaý, Aqtóbe, Qaraǵandy, Qostanaı, Qyzyloda, Soltústik Qazaqstan, Jambyl, Ońtústik Qazaqstan, Batys Qazaqstan, Pavlodar oblystary) jáne Astana, Almaty, Rıdder qalalarynda júrgizgen. RBRJ zańgeri Amangeldi Shormanbaevtyń aıtýynsha, is-sharalar kezinde qanaǵattanarlyq jáne alańdatarlyq jaǵdaılar da boldy. "Qanaǵattanarlyǵy - aqparat quraldarynda partııalardyń úgit-nasıhaty burynǵy jaǵdaılarǵa qaraǵanda keńirek jáne buryn bolmaǵan kólemde taratylýda. Saıası partııalardyń óz aralarynda televızııalyq saıası pikirtalas ótkizýin de jaqsy dep sanaýǵa bolady. Saılaý komıssııalarynyń jumysy da durys ótýde. Sonyń bir kórinisi saılaýshylar tiziminiń kóptegen jerlerde ashyq túrde jarııalanýy. Kez kelgen partııa men kandıdattar ony qarap, teksere alady. Aldaǵy ýaqytta bul tájirıbe barlyq saılaý ýchaskelik komıssııalarynda qoldaý tabatynyna úmit bar", deıdi A. Shormanbaev. Onyń paıymdaýynsha, alańdatarlyq jaǵdaılar -saıası partııalardyń arasynda QR Parlamenti Májilisine úmitkerler usynǵan saıası partııalardyń bireýinde - tek "Nur Otan" HDP-da ǵana, tolyq tizim bar. Máselen "Nur Otan" - 127, Aq jol" - 63, "Ádilet" - 59, JSDP - 54, QKHP - 21, "Aýyl" 18 úmitker usyndy. Sondaı-aq Qazaqstan halqy Assambleıasy QR Parlament Májilisi saılaýyna 9 orynǵa 9 adam usyndy. Onda úmitkerler arasynda eshqandaı balama joq.
