Táýekelderdi joǵarylatpaı Ulttyq qor qarjysyn paıdalaný kerek - Ú.Shaıahmetova

ASTANA. 7 qarasha. QazAqparat - Táýekelderdi joǵarylatpaı Ulttyq qor qarjysyn paıdalaný kerek. Bul pikirdi búgin elordada ótip jatqan «Ekspert-100-Qazaqstan» atty iri bıznestiń  4-inshi ekonomıkalyq forýmynda «Qazaqstan halyq banki» AQ basqarmasynyń tóraıymy Úmit Shaıahmetova bildirdi.

Onyń atap ótýinshe, elimizde kásipkerlerge beriletin nesıeniń ortasha stavkasy 10-15 paıyz bolyp otyr. Bul kórshiles elderdegi stavkadan tym joǵary. «Meniń usynysym, bizderge ulttyq ekonomıkany qarjylandyrýdyń tıimdiligin qalaı arttyrýǵa bolatyndyǵyn, táýekelderdi joǵarylatpaı Ulttyq qor qarjysyn qalaı paıdalaný kerektigin túsinip, naqty qadamdar jasaýymyz kerek», - dedi bank tóraıymy.

G.Shaıahmetovanyń sózine qaraǵanda, búginde Qazaqstan shetelge 50 mlrd. dollardan astam ınvestıtsııa quıyp, sonyń arqasynda jylyna shamamen 1 mlrd. dollar tabys tabýda. Degenmen bizdiń kompanııalar men basqa da zaemshilerdiń syrtqy qaryzdaryn óteýge odan da kóp qarjy jumsaýda.

«Biz árkezde de sizderde nesıe mólsherlemesi nege qymbat degen saýalǵa tap bolamyz. Bizge olardy qalaı arzandatyp, uzaq ári arzan qorlandyrýdy qamtamasyz etýge bolady? Qazaqstannyń mol qarjy resýrstary bar. Bul - Ulttyq qordyń mol rezervi, 20 mlrd. dollardan astam qarjyǵa ıe zeınetaqy júıesi, bank júıesi jáne «Samuryq-Qazyna» qory. Alaıda osy barlyq qarjyny tıimdi qoldaný meniń paıymymsha jetkiliksiz bolyp otyr», - dedi G.Shaıahmetova.