Táýekel-menedjeri laýazymyn engizgen kompanııalar sany 2011 jyly 20 paıyzǵa ulǵaıady
ALMATY. 26 qarasha. QazAqparat /Erlik Erjanuly/ - Qazirgi tańda kompanııalardyń basym bóligi táýekel-menedjeri laýazymyn engizip otyr.
Bul týraly búgin Almatyda ótip jatqan "Daǵdarystan keıingi korporatıvtik basqarý: jaı-kúıi men keleshegi" dep atalatyn Korporatıvtik basqarý jónindegi ІІІ Ortalyq Azııalyq sammıtte jan-jaqty sóz boldy.
«KPMG pen Economist Intelligence Unit Qazaqstan men Reseıdegi 100 jetekshi kompanııadaǵy táýekeldi basqarýdaǵy qazirgi tájirıbe men ádiske zertteý júrgizdi. Olardyń 50 paıyzy jyldyq aınalymy 1 mıllıard dollardan quraıtyn bıznesi ornyqty jáne óz salalaryndaǵy kóshbasshylar. Saýalnamada respondentterdiń 60 paıyzdan astamy qazirdiń ózinde táýekel-menedjeri laýazymyn engizgenderin, 20 paıyzdan astamy ony 2011 jyly engizgeli otyrǵanyn aıtyp otyr. Al 30 paıyzdan astamy ózderiniń uıymdyq qurylymdarynda Táýekeldi basqarý jónindegi dırektorlar keńesi komıtetin atap ótti», - dedi «Qazaqstan qor bırjasy» AQ-nyń Táýelsiz dırektory Janat Berdalına.
Onyń aıtýynsha, saýalnamaǵa qatysqan kompanııalardyń 50 paıyzǵa jýyǵynda táýekeldi basqarý úderisin qoldaý men uıymdastyrý táýekel-menedjerlerine júktelgen. Táýekeldi basqarýdy uıymdastyrý úrdisine kompanııalardyń 18 paıyzynda Іshki aýdıt basshysy, 12 paıyzynda bas dırektor jaýap beretini anyqtalyp otyr. Al táýekel-menedjerleriniń 24 paıyzy formaldy túrde bas dırektorǵa, fýnktsıonaldy jaǵdaıda Dırektorlar keńesiniń Aýdıt jónindegi komıteti men kompanımıalardyń negizgi aktsıonerlerine baǵynady.
