Taýdan tas qulaýyna baılanysty Medeý-Shymbulaq joly jabyldy
Búgin Medeý-Shymbulaq jolynda qulaǵan jartasty tasý jumystary bastaldy, dep habarlaıdy Kazinform.
Almaty ákimdiginiń málimetinshe, jumys júrgizý kezinde avtokólikter men jaıaý júrginshilerdiń qozǵalysy shekteldi.
«Sondaı-aq aýmaqtardy tas qulaýynan jáne kóshkinnen ınjenerlik qorǵaý, jartasty jáne jol betkeılerin nyǵaıtý jumystary josparlanǵan. Oǵan shamamen 11 birlik tehnıka men 50 adam tartylatyn bolady», - dep habarlady ákimdikten.
Taý shańǵysy kýrorty men kásiporyndarynyń qyzmetkerleri úshin ótkizý rejıminiń kestesi qalyptastyrylatyn bolady.
Qozǵalys týraly aqparat ár uıymnyń basshylyǵyna joldanady.
Jobany iske asyrý eki kezeńge eseptelgen. Negizgi jumystar kelesi jylǵa josparlanǵan.
