Taýdan qulaǵan tastar Jazy ózeniniń sýyn toqtatty
ASTANA. QazAqparat - Qyrǵyzstannyń Osh oblysynda tasqulama Jazy ózeniniń sýyn toqtatyp tastady, dep habarlaıdy Kabar Qyrǵyzstan Respýblıkasy Kólik jáne joldar mınıstrliginiń baspasóz qyzmetine silteme jasap.
Tasqulama 8 mamyr kúni saǵat 22:00-de Myrzake-Kara-Shoro tasjolynyń 47 shaqyrymynda bolǵan. «Taýdan qulaǵan tastar Jazy ózenin bógep tastady. Ózendegi sý deńgeıiniń kóterilýi saldarynan tasjoldy sý alyp, kólik qozǵalysyna kedergi keltirdi», - dep atap ótti TJM.
Qazirgi tańda Qyrǵyzstannyń TJM-y tasqulamanyń keltirgen zalalyn qalpyna keltirip, Jazy ózenin tastan tazartý jumystaryn júrgizýde.
