Taýda joǵalǵan jeti jasar bala áli tabylǵan joq
ALMATY. QazAqparat - Almaty oblysynda taýda joǵalyp ketken 7 jasar balany 100-den astam adam áli izdep jatyr, dep habarlaıdy QazAqparat tilshisi.
«Buǵan deıin 60 adam bólingen bolatyn. Qazir izdeý sharalaryna taǵy 50 adam qosyldy. Jalpy alǵanda balany tabý úshin 115 adam taý-tasty kezip júr. Olardyń ishinde qutqarýshylar, polıtsııa, áskerı qyzmetshiler, shekarashylar, jergilikti turǵyndar bar. Olar 22 shaqyrym radıýstaǵy jerdiń bárin tintip shyqty. Іzdeýshiler balalar qashqan jerden bastap barlyq taý-tasty, quz-jarlardy qarap shyqty», - dedi Almaty oblystyq ІІD baspasóz qyzmetinen.
Shóptiń qalyńdyǵy tolassyz jaýǵan jaýyn ıisshil ıtterdiń jumysyna kedergi keltirýde.
Eske sala ketsek, Almaty oblysynyń Jambyl aýdanynda joǵalyp ketken balany qutqarýshylar 14 shildeden beri izdestirýde. 2011 jyly týǵan Ernur Sádýaqas Yntymaq aýylynan ońtústik qaptaldaǵy «Kishi saz» jaıylymyna bara jatqan jolda taýly aýmaqta joǵalǵan. 7 jastaǵy Ernurmen birge úlkendi-kishili 5 bala jolǵa shyqqan. Qazir balalardyń barlyǵy aýylda. Tek Ernur ǵana oralmady.
