Taýda joǵalǵan týrıst qyzdyń tómen túsip kele jatqanyn kórgen adamdar bar
ALMATY. QazAqparat – Almatyda taýda joǵalǵan týrıst qyzdy izdestirýge Almaty qalalyq qutqarý qyzmetiniń alpınısteri qosyldy, dep habarlaıdy QazAqparat tilshisi.
«Іzdestirý tobyna 8 alpınıst pen 2 kınologııalyq komanda qosyldy. Buǵan qosymsha Qutqarý qyzmetiniń tikushaǵy da kóterildi. Týrısti izdestirýge barlyǵy 22 adam men 4 iz kesýshi ıt jumyldyryldy», - dedi QR ІІM TJK Respýblıkalyq jedel qutqarý jasaǵynan.
Respýblıkalyq jedel qutqarý jasaǵynyń habarlaýynsha, munyń aldynda qyzdyń Kosmostantsııa aýdanynda 9 qarashada saǵat 13:00-der shamasynda taýdan túsip kele jatqanyn kórgen kýágerler bar. Odan keıin polıtsııa qyzdyń telefony arqyly qalanyń ár buryshynan telefon qońyraýlary jasalǵanyn anyqtady.
Eske salaıyq, boıjetkenniń joǵalǵany týraly 10 qarasha kúni belgili boldy. Ol taý týrızmimen aınalysyp júrgen. 9 qarasha saǵat 13:00 shamasynda ol Úlken Almaty (Josaly) kólinde túsken fotosyn áleýmettik jelige jarııalaǵan.
Odan keıin baılanysqa shyqpaǵan. Buǵan deıin júrgizilgen izdestirý jumystary qyzdyń týystarynyń ótinishi boıynsha toqtatylǵan bolatyn.
Biraq keıin Á.Panarǵalıevanyń jaqyndary izdestirýdi jalǵastyrýdy qaıta surady.
