Taýda joǵalǵan qyzdy izdestirýge tikushaq jumyldyryldy
ALMATY. QazAqparat – Almatyda taýda joǵalǵan qyzdy izdestirýge tikushaq shyqty. Bul týraly QazAqparatqa QR ІІM TJK Respýblıkalyq qutqarý jasaǵy habarlady.
«Іzdestirý jumystary jalǵasatyn boldy. Keshe qutqarýshylar jaıaý aralap kórdi. Qazir izdeý sharalaryna kóbirek terrıtorııany kórý úshin tikushaq jumyldyryldy», - dedi Respýblıkalyq qutqarý jasaǵynyń baspasóz qyzmetinen.
Eske salaıyq, boıjetkenniń joǵalǵany týraly 10 qarasha kúni belgili boldy. Ol taý týrızmimen aınalysyp júrgen. 9 qarasha saǵat 13:00 shamasynda ol Úlken Almaty (Josaly) kólinde túsken fotosyn áleýmettik jelige jarııalaǵan.
Odan keıin baılanysqa shyqpaǵan. Buǵan deıin júrgizilgen izdestirý jumystary qyzdyń týystarynyń ótinishi boıynsha toqtatylǵan bolatyn.
Biraq keıin Á.Panarǵalıevanyń jaqyndary izdestirýdi jalǵastyrýdy qaıta surady.
