Taýda joǵalǵan 7 jasar bala tikushaqpen izdestirilýde
ALMATY. QazAqparat - Almaty oblysynda taýda joǵalyp ketken 7 jasar balany izdeýge tikushaq qyzmeti jumyldyryldy. Bul týraly QazAqparat tilshisi QR ІІM Tótenshe jaǵdaılar komıtetiniń resmı ókili Rýslan Imanqulovqa silteme jasap habarlaıdy.
«Іzdestirý jumystary áli júrip jatyr. Ókinishke oraı, basqa jańalyq joq. Bastapqyda tikushaqpen izdestirý jumystary júrgizilgen bolatyn. Búgin bul qyzmetti qaıta iske qostyq. Tikushaq saǵat 10.10-da ushyryldy, izdeý jumystary qarańǵy túskenshe jalǵasady. Nátıje bolmaıynsha izdeýdi toqtatpaımyz», - dedi Rýslan Imanqulov.
Eske sala ketsek, Almaty oblysynyń Jambyl aýdanynda joǵalyp ketken balany qutqarýshylar 14 shildeden beri izdestirýde.
2011 jyly týǵan Ernur Sádýaqas Yntymaq aýylynan ońtústik qaptaldaǵy «Kishi saz» jaıylymyna bara jatqan jolda taýly aýmaqta joǵalǵan.
7 jastaǵy Ernurmen birge úlkendi-kishili 5 bala jolǵa shyqqan. Qazir balalardyń barlyǵy aýylda. Tek Ernur ǵana oralmady.
