Taýda mertigip qalǵan almatylyq áıel qutqaryldy
ALMATY. QazAqparat - Almatyda taý aralap júrip aıaǵyn syndyryp alǵan áıel qutqarýshylardyń kómegimen qalaǵa jetkizildi, dep habarlaıdy QazAqparat tilshisi.
«Qutqarý qyzmeti» RMK baspasóz qyzmetiniń habarlaýynsha, oqys oqıǵa keshe bolǵan. Keshki 15:55 shamasynda Býtakovka shatqalynda 46 jastaǵy áıeldiń aıaǵyn syndyryp alǵany týraly habarlama túsken.
Oqıǵa ornyna jetken 5 adamnan turatyn qutqarýshylar ekıpajy alǵashqy kómek kórsetip, áıeldiń aıaǵyn tańyp berdi.
Keıin alpınıstik qurylǵylardy paıdalana otyryp, mertikken adamdy jedel járdem kóligine jetkizip berdi.
Áıel qazir qaladaǵy medıtsınalyq mekemede statsıonarlyq kómek alyp jatyr.
