Taýarly-sút fermalaryna arzan nesıe beriledi - forým
ASTANA. QazAqparat – Taýarly-sút fermalaryna arzan nesıe beriledi. Bul týraly Strategııalyq bastamalar forýmynda QR Prezıdenti janyndaǵy Qazaqstannyń strategııalyq zertteýler ınstıtýtynyń dırektory Erkin Tuqymov aıtty, dep habarlaıdy QazAqparat tilshisi.
«Qazir barlyq el qoldaý sharalaryna bet burdy. Munyń ústine onyń paıdaly da, zııandy da tustary bar. Osyndaı jaǵdaıda jumys isteý birshama aýyrtpalyq týdyrady. Sonymen qatar energetıkalyq daǵdarys, azyq-túlik daǵdarysy qalyptasýda. Osyǵan oraı bizge reformalar kerek. Birinshi reforma – árıne, aýyl sharýashylyǵynda. Sútten bastaıyq. Bizge eń aldymen statıstıkany retke keltirý qajet bolady. Sút jetispeıtindigin moıyndaǵanymyz jón. Onyń kólemin anyqtap, turaqty sýbsıdııaǵa kepildik berý qajet», - dedi Serik Jumanǵarın.
Onyń atap ótýinshe, taýarly-sútti mal sharýashylyǵyn damytý qajet. Jem-shóp bazasy jetkilikti sharýashylyqtardyń arasynan chempıondaryn anyqtaý kerek.
«Bul maqsatta, ıaǵnı, mal basyn molaıtyp, taýarly-sút óndirisin ulǵaıtý úshin arzan aqsha bóletin bolamyz. Bul mysaldardyń biri ǵana. Sonymen qatar qyzyl et, qus etin óndirýde de osyndaı is-sharalar kerek. Bul – reforma. Sebebi nátıjege qol jetkizý úshin memlekettik qarjylandyrýdyń qatań baǵyty bolady», - dedi ol.
