Taýarlyq gazdyń kóterme baǵasy bekitildi

ASTANA. KAZINFORM — Energetıka mınıstriniń buıryǵymen elimizde taýarlyq gazdyń kóterme shekti baǵasy bekitildi.

— Gaz baǵasyn qalyptastyrý máselesiniń áleýmettik mańyzdylyǵyn eskere otyryp, kezeń-kezeńmen júzege asatyn mehanızm tańdaldy. Mańyzdy eskertý — bul tek kóterme baǵalarǵa qatysty. Halyq úshin túpkilikti bólshek tarıfter zańnamaǵa sáıkes jeke qalyptasady jáne ýákiletti organdarmen barlyq shyǵyn komponentterin eskere otyryp bekitiledi. Sonymen qatar, áleýmettik osal toptardy qorǵaýǵa erekshe nazar aýdarylady. Qosymsha shyǵyndardy óteý úshin «Áleýmettik ámııan» mehanızmi jáne basqa da memlekettik qoldaý quraldary qoldanylady. Memlekettik qoldaý sharalary aıasynda keıbir tutynýshylar sanaty úshin taýarlyq gazǵa 24 paıyzǵa deıin jeńildik qarastyrylǵan. Bul shara áleýmettik álsiz toptardyń energııa resýrstaryna turaqty qoljetimdiligin qamtamasyz etip, olardyń qarjylyq júktemesin azaıtýǵa baǵyttalǵan, — dep atap ótedi vedomstvodan.

Sonymen, qujatqa sáıkes, taýarlyq gazdyń shekti baǵasy 2025 jyldyń 1 shildesinen 2026 jyldyń 30 maýsymyna deıin óńirlerde qosylǵan qun salyǵyn esepke almaǵanda 1 myń tekshe metri úshin iri kommertsııalyq tutynýshylar men maınerlerge mynadaı bolady: 

Astana jáne Aqmola oblysy — 72 846 teńge;
Almaty jáne Almaty oblysy — 76 686 teńge;
Shymkent — 71 122 teńge;
Aqtóbe oblysy — 54 933 teńge;
Atyraý oblysy — 41 993 teńge;
Batys Qazaqstan oblysy — 55 365 teńge
Jambyl oblysy 70 639 teńge;
Jetisý oblysy — 76 686 teńge;
Qaraǵandy oblysy — 72 846 teńge;
Qostanaı oblysy — 62 951 teńge;
Qyzylorda oblysy — 59 179 teńge;
Mańǵystaý oblysy — 57 649 teńge;
Túrkistan oblysy — 71 122 teńge;
Ulytaý oblysy — 72 846 teńge;
Shyǵys Qazaqstan oblysy — 13 069 teńge.

Іshki naryqtaǵy taýarlyq gazdyń kóterme shekti baǵasy 2025 jyldyń 1 shildesinen 2026 jyldyń 30 maýsymyna deıin óńirlerde qosylǵan qun salyǵyn esepke almaǵanda 1 myń tekshe metri úshin mynadaı bolady:

Astana jáne Aqmola oblysy — 39 979 teńge;
Almaty jáne Almaty oblysy — 39 044 teńge;
Shymkent — 38 349 teńge;
Aqtóbe oblysy — 17 854 teńge;
Atyraý oblysy — 20 308 teńge;
Batys Qazaqstan oblysy — 19 166 teńge
Jambyl oblysy 37 414 teńge;
Jetisý oblysy — 39 044 teńge;
Qaraǵandy oblysy — 39 979 teńge;
Qostanaı oblysy — 33 379 teńge;
Qyzylorda oblysy — 18 204 teńge;
Mańǵystaý oblysy — 26 993 teńge;
Túrkistan oblysy — 38 349 teńge;
Ulytaý oblysy — 39 979 teńge;
Shyǵys Qazaqstan oblysy — 7 563 teńge.

Buǵan deıin Qazaqstannyń soltústigin gazdandyrý máselesi qalaı sheshilip jatqanyn jazǵan edik.